પનીર બટર મસાલા બનાવવા માટે સૌ પ્રથમ ગ્રેવી બનાવવી પડશે. ગ્રેવી બનાવવા માટે, એક પેન લો, તેમાં બટર અને તેલ ગરમ કરવા મુકો. તે ગરમ થઈ જાય એટલે તેમાં હળદર, હિંગ, લઈ શેકી લો. તે શેકાય એટલે તેમાં સમારેલી ડુંગળી અને સમારેલા ટામેટાં ઉમેરી ચડવા દો. તે ચડી જાય એટલે તેમાં મીઠુ અને લાલ મરચું પાઉડર ઉમેરી મિક્સ કરી લો. હવે આ મિશ્રણ ચડી જાય એટલે ગેસ બંધ કરી તેને ઠંડુ થવા દો. મિશ્રણ ઠંડુ થઈ જાય એટલે તેમાંથી બધા ખડા મસાલા કાઢીને મિક્સર જારમાં લઈ પેસ્ટ બનાવી લો.

હવે એક પેનમાં થોડુ તેલ અથવા બટર લઈ પનીરના ટુકડાં તેમાં ફ્રાય કરી લો. પનીરના ટુકડાં થોડા લાઈટ બ્રાઉનના થાય એટલે તેને પ્લેટમાં કાઢી લો. હવે ફરી એક પેનમાં તેલ અને બટર લઈ તેને ગરમ થવા દો. તે ગરમ થઈ જાય એટલે ગ્રેવીને તેના ઉમેરી દો. ગ્રેવી થોડી ચડી જાય એટલે તેમાં પનીરના ટુકડાં અને લાલ મરચું પાઉડર ઉમેરી મિક્સ કરી લો. ત્યારબાદ તેમાં ક્રીમ અથવા મલાઈ અને કસુરી મેથી ઉમેરી મિક્સ કરી લો. તો તૈયાર છે પનીર બટર મસાલા. પનીર બટર મસાલાને પરાઠા સાથે સર્વ કરો.