ગ્રેવી બનાવવા ની રીત : તેલ અને ઘી ગરમ થાય એટલે તેમાં સૂકા મસાલા નાખી સુગંધ આવે ત્યાં સુધી શેકી લો. હવે તેમાં આદુ મરચાં અને લસણ ની પેસ્ટ ઉમેરી બરાબર મિકસ કરો.હવે તેમાં સમારેલા કાંદા અને ટામેટા ની પ્યુરી ઉમેરીને થોડીવાર ચડવા દો.ઠંડુ પડે પછી પીસીલો.

બિરીયાની ની રીત: ૨ ચમચી તેલ, ૧ ચમચી ઘીને ગરમ કરી તેમાં ૧ ટામેટા ની પ્યુરી ઉમેરીને થોડીવાર ચડવા દો. હવે તેમાં બનાવી ને તૈયાર કરેલી ગ્રેવી ઉમેરો. ૧ ચમચી માવો અથવા મિલ્ક પાવડર ઉમેરો.શેકી ને પીસેલા મખાણા ઉમેરો. ૧/૨ ચમચી ગરમ મસાલો, ૧/૨ ચમચી લાલ મરચું પાઉડર, ૧/૪ ચમચી ચાટ મસાલો અને મીઠું સ્વાદ અનુસાર ઉમેરીને બરાબર મિક્ષ કરી લો. હવે તેમાં ૪-૫ ટીપાં ગ્રીન ફુડ કલર ઉમેરીને બરાબર મિક્ષ કરી લો.બધુ બરાબર મિક્ષ થઈ જાય પછી તેમાં ૧ ચમચી ક્રીમ નાખી હલાવી લો.

હવે તેમાં રાંધેલા ભાત અને અધકચરા બાફેલા વટાણા, કેપ્સિકમ, ગાજર, ફણસી અને બટાકા ઉમેરીને જરૂર લાગે તો ૧-૫ ટીપાં ગ્રીન ફુડ કલર ઉમેરીને બરાબર મિક્ષ કરી તાજી કોથમીર નાખી સર્વ કરો.