એક કડાઈ માં 2 ટેબલ સ્પૂન તેલ ગરમ કરવા મુકો. એમાં રાઈ નાખો. રાઈ તતડે એટલે હિંગ નાખો. હવે ફણગાવેલા મગ ધોઇ ને નાખો. મીઠુ અને હળદર નાખી મિક્સ કરી લો. થોડું પાણી નાખી ઢાંકી ને ચડવા દો.

મગ નરમ થવા આવે ત્યારે લાલ મરચુ અને ધાણાજીરુ નાખી મિક્સ કરી ફરીથી ઢાંકી દો. બરાબર ચડી જાય ત્યાર બાદ ગેસ બંધ કરી મગ ઠંડા કરવા એક પ્લેટ માં કાઢી લો.

કણેક નાં એક સરખા મોટા 16 લુવા કરો. એમાંથી 2 લુવા લો. એની મોટી રોટલી વણી લો. એક રોટલી ઉપર મગ નું મિશ્રણ પાથરો. કિનારી ઉપર પાણી લગાવી, ઉપર બીજી રોટલી મૂકી કિનારી દબાવી લો. કિનારી ઉપર કાંટા થી દબાવી ડિઝાઇન કરો. હલ્કા હાથે એક વાર પરાઠા ને વણી લો.

ગરમ ગરમ પરાઠા દહીં સાથે સર્વ કરો.