સૌપ્રથમ પાલકને સાફ કરી અને ધોઈ લો. હવે એક કડાઈમાં પાણી લઈ પાણી ઉકળે ત્યાર બાદ પાલકના પાન નાખી ત્રણથી ચાર મિનિટ માટે ઉકાળો. ત્યારબાદ પાલકને કાઢી લો અને એકદમ ઠંડા પાણીમાં રાખી લો જેનાથી પાલક નો કલર એકદમ ગ્રીન રહેશે. હવે પાલકને કાઢી લો અને મિક્સરમાં પીસી લો. હવે એક કડાઈમાં ઘી લઈ તેમાં જીરુ, તમાલપત્ર, આખું લાલ મરચું, આદુ-મરચા-લસણની પેસ્ટ સાતળો. બાદમા તેમાં ડુંગળી નાખો અને ડુંગળીને ગોલ્ડન બ્રાઉન કલરની સોતળી લો.

હવે તેમાં પાલકની પેસ્ટ ઉમેરો ત્યાર બાદ તેમાં જરૂર મુજબ પાણી, મીઠું ખાંડ અને મિલ્ક પાઉડર ઉમેરી મિક્સ કરો. મિલ્ક પાવડર નાખવાથી શાક વધારે સ્વાદિષ્ટ લાગે છે. સરસ રીતે મિક્સ થઈ જાય ત્યારબાદ તેમાં ગ્રેવી કિંગ મસાલો, પનીર અને શેકેલા કાજુ નાખો. અને છેલ્લે શાકમાં ક્રીમ નાખી શાકને સર્વ કરો તો તૈયાર છે રેસ્ટોરન્ટ સ્ટાઇલ કાજુ પાલક પનીર.