સૌથી પહેલાં પાલકને ચોખ્ખા પાણીથી ધોઈને ગરમ પાણીમાં એક મિનિટ માટે રાખો આ પ્રોસેસને બ્લાંચ કર્યું કહેવાય. હવે ઠંડી થયા પછી પાલકને મિક્સર બાઉલમાં લઈ લો સાથે લીલા મરચાં એડ કરીને તેને ક્રશ કરી નાખો. ત્યાર પછી બીજા બાઉલમાં કાઢી લો અને તેજ બાઉલમાં ડુંગળી અને લસણ ને પણ ક્રશ કરી લો.

એવી જ રીતે 1 ટમેટુ સમારીને તેને પણ ક્રશ કરી લો હવે આ શાકને બાળકો માટે હેલ્ધી બનાવવા માટે હું અહીં 1 ટ્વીસ્ટ લાવી છું કાજુ અને બદામ ને મેં પાંચ મિનિટ પહેલા પલાળી રાખ્યા છે થોડા પલડી ગયા પછી તે સરસ ક્રશ થઇ જાય છે એને પણ મિક્સર માં ક્રશ કરી લેવા. અને પનીરના એકસરખા કટકા કરી લેવા.

સૌ પ્રથમ એક પેન માં તેલ લો. ગરમ થાય પછી તેમાં જીરું હિંગ નાખી ને પછી તેમાં ક્રશ કરેલા ડુંગળી લસણ ઉમેરો. પછી તેમાં ટામેટા ની પ્યુરી એડ કરો એ ચડી જાય પછી તેમાં કાજુ બદામ ની પેસ્ટ એડ કરો. બધું ચડી જાય તેલ છુટ્ટું પડે પછી તેમાં પાલક ની પ્યુરી ઉમેરો.

પછી તેમાં બધા મસાલા એડ કરો. કિચન કિંગ મસાલો પણ એડ કરો.લીંબુ પણ એડ કરો અને પનીર માં ક્યૂબ એડ કરો.

છેલ્લે મલાઈ એડ કરી ને બધું સરસ મિક્સ કરી ઉકળવા દો..બધું પાણી બળી જાય પછી તેને સર્વ કરો.