એક બાઉલ માં બેસન ને ચાળીને લઇ લેવું.

હવે બીજા બાઉલ માં પાણી લઈ તેમાં મીઠું,હળદર, ખાંડ અને લીંબુ ના ફૂલ અને હિંગ ઉમેરી બધું બરાબર મિક્સ કરી લો.

હવે બેસન વાળા બાઉલ માં થોડું થોડું કરીને પાણી ઉમેરી મીડિયમ બેટર તૈયાર કરી લો.

હવે 10 મિનિટ માટે આને રેસ્ટ માટે મૂકી દેવું. 10 મિનિટ બાદ તેમાં તેલ અને ખાવાનો સોડા ઉમેરી બરાબર ફેટી લો.

હવે એક કડાઈમાં પાણી ગરમ કરી તેમાં કાઠો મૂકી ઢોકળાં માટે નું વાસણ ગ્રીસ કરી તેમાં બેટર ઉમેરી દેવાનું.

આને સ્લો ફ્લેમ પર 20 થી 25 મિનિટ થવા દેવું. ટૂથ પીક થી ચેક કરી લેવું.ઠંડા થાય પછી વાસણ માંથી કાઢી કટ કરી લેવા.

હવે એક કડાઈમાં માં તેલ મૂકી રાઈ ઉમેરો રાઈ તતડે એટલે તેમાં કરી પત્તાં મરચાં,ખાંડ અને મીઠું ઉમેરી લો. હવે એમાં પાણી ઉમેરી થોડા બબલ આવે પછી તેને ઢોકળાં પર ઉમેરી દેવું. તૈયાર છે ખમણ ઢોકળાં.