સૌપ્રથમ બેસનના લોટને ચારણીથી ચાળી લો જેથી તેમાં ગાંઠ ન પડે.

400ml પાણીમાં મીઠું,ખાંડ, લીંબુ ના ફૂલ અને તેલ મિક્સ કરી ખૂબ હલાવો. હવે તેમાં થોડો થોડો બેસન મિક્સ કરો અને હલાવતા રહો. હવે તેને ઢાંકીને દસ પંદર મિનિટ રાખી મૂકો.

હવે ઢોકળા મુકવાની થાળીમાં તેલ લગાડો.

હવે જે ખમણ ઢોકળાનું બેટર તૈયાર કર્યું છે, તેમાં ૧ ટી.સ્પૂન બેકિંગ સોડા મિક્સ કરી મિશ્રણ ને ત્રણથી ચાર મિનિટ હલાવો.

હવે આ મિશ્રણને તેલ લગાડેલી થાળીમાં પાથરો. આ થાળીને ઢોકળીયામાં 20થી 25 મિનિટ વરાળથી બાફવા મૂકો.

હવે એક પેનમાં 3 ટેબલ સ્પૂન તેલ લઈ, તેમાં રાઈ, હિંગ, લીલા અને મરચા નાખી વઘાર કરી, સાંતળી, તેમાં 3/4 કપ પાણી મિક્સ કરી, તેમાં ખાંડ અને મીઠું સ્વાદ અનુસાર નાખો.

હવે ઢોકળાની થાળી ને ઉથલાવીને, ઢોકળા ના પીસ કરી આપણે તૈયાર કરેલ વઘારને તેના પર પાથરો. હવે તેના પર કોથમીર વડે સજાવટ કરો.