પનીરને છીણી લો. પછી તેને મીક્ષરમાં ૪ થી ૫ મિનિટ સુધી અથવા એકદમ સોફ્ટ અને લચકો થાય ત્યાં સુધી ગ્રાઇન્ડ કરી લો. તે પનીર ને એક બાઉલમાં કાઢી થોડું મસળી લંબગોળ શેઈપ ના ગોળા વાળી લો.

એક પહોળા વાસણમાં ખાંડ તથા પાણી લઈ ખાંડ ઓગળે ત્યાં સુધી ઉકળવા દો. હવે તેમાં બનાવેલા પનીર ના ગોળા ઉમેરી ૧૫ થી ૨૦ મિનિટ સુધી મીડિયમ આંચ પર ઉકળવા દો. અથવા ગોળા ડબલ સાઇઝ ના થાય ત્યાં સુધી ચડવા દો.

સ્ટફિંગ માટે :- એક કડાઈમાં માવો લઈ ધીમા તાપે ગરમ કરી લો. પછી તેમાં દળેલી ખાંડ ઉમેરી ૨ થી ૩ મિનિટ ચડવા દો. કેસરના તાંતણા તથા ઈલાયચી પાવડર ઉમેરી બરાબર મિક્સ કરી લો.

પનીરના ગોળા ને વચ્ચે થી સહેજ કટ મુકી તેમાં તૈયાર કરેલું સ્ટફિંગ ભરી ચેરી તથા કેસરના તાંતણા થી સજાવી સર્વ કરો.