દુધમાં કેસર બરાબર મિક્સ કરી, તેમાં સાબુદાણા નાંખી, તેને ૪-૫ કલાક પલાળી રાખવા. પછી તેમાંથી વધારાનું દૂધ નિતારી, સાબુદાણાને થોડા કોરા કરવા.

હવે એક પેનમાં અડધું ઘી ગરમ કરી, તેમાં કોપરાની છીણ નાંખી, ધીમા તાપે ૨ મિનિટ શેકવું.

પછી બાકી બચેલું દૂધ તેમાં નાંખી, બરાબર મિક્સ કરી, થોડીવાર સાંતળવું.

છીણમાંથી બધું દૂધ બળી જાય પછી તેમાં બાકીનું ઘી, સાબુદાણા, માવો, દ્રાક્ષ, કાજુનો ભૂકો અને ખાંડ નાંખી, બરાબર મિક્સ કરી, ધીમા તાપે થોડીવાર સાંતળવું.

ખાંડનું પાણી બળી જાય પછી તેમાં ઈલાયચી પાવડર નાંખી, મિક્સ કરી, ગેસ પરથી ઉતારી લેવું. હલવો સાધારણ ઠંડો થાય પછી એક તેને સર્વિંગ પ્લેટમાં લઈ, તેની ઉપર બદામ-પિસ્તાની કતરી નાંખી, ગરમ ગરમ હલવો સર્વ કરવો.