સૌ પ્રથમ ટામેટાં અને પાપડી ને સાફ કરી સમારી લેવું. હવે કુકર માં તેલ, રાઇ, જીરું, હિંગ, લીલું મરચું, મેથી ના દાણા નો વઘાર કરી ટામેટાં ઉમેરી મિક્સ કરી લેવું. હવે સાફ કરી ને રાખેલ પાપડી ઉમેરી લેવી.

પછી તેમાં મીઠું, મરચું, હળદર, ધાણાજીરું ઉમેરી હલાવી લેવું. તેમાં ૧ કપ પાણી ઉમેરી કુકર નું ઢાંકણ ઢાંકી ૨ સીટી વગાડવી. હવે શાક થાય ત્યાં સુધી મેથી ની ભાજી ધોઈ ને સમારી લેવી. હવે એક બાઉલ માં ચણા નો લોટ, ઘઉં નો કકરો લોટ, મેથી ની ભાજી, મીઠું, હળદર, લાલ મરચું, ધાણાજીરું, ખાંડ, તેલ ઉમેરી લોટ બાંધી લેવો.

હવે તેના ગોળા વાળી ને તળી લેવા.

કુકર માં બનેલ શાક માં ગોળા ઉમેરી ૫ મિનિટ પછી રોટલી, ભાત, રોટલા, પરાઠા સાથે સર્વ કરી શકાય.