સૌ પ્રથમ લસણ પીસી ને તેમાં લાલ મરચું પાવડર, મીઠું, ધાણાજીરું પાવડર, હિંગ, તેલ નાખી ને ચટણી બનાવી લો. ઢોકળી માટેની સામગ્રી ભેગી કરી લો. સૂકવેલા લાલ મરચા નાં ૨ કટકા કરી લો. આદું ખમણી લો.

હવે એક વાસણમાં માં ચણા નો લોટ લઈ તેમાં આદુ ખમણેલું, હળદર પાવડર,મીઠું, લાલ મરચું પાવડર, ગરમ મસાલો અને ખાવાનો સોડા નાખી અને એની ઉપર ગરમ કરેલું તેલ અને પાણી નાખી ને મિક્સ કરી અને ખીરું તૈયાર કરો. બીજી બાજુ એક પેન માં ૩ ગ્લાસ પાણી નાખી ઉપર કાઠો મૂકી દો.

હવે ડિશ માં તૈયાર કરેલું ખીરું પાથરી ને ઢાંકણ ઢાંકી ને ૧૫ મિનીટ બાફવા મુકો. પછી એક ચપ્પા થી ચેક કરી લો. ચપ્પુ આખું બહાર આવી જાય એટલે ઢોકળી તૈયાર થઈ ગઈ છે. હવે તેને ઠંડી થવા દો.

હવે તેના પીસ કરી લો. ત્યારબાદ એક પેન માં તેલ વઘાર માટે ગરમ કરી તેમાં રાઈ, જીરું, મેથી નાં દાણા, સૂકવેલા લાલ મરચા, હિંગ નાખી દો. હવે તેમાં ખમણેલું આદું, લસણ ની ચટણી નાખી તરત જ પાણી નાખી દો.

થોડી વાર ઉકળે એટલે તેમાં દહીં નાખી ને બધાં મસાલા નાખી દો. અને થોડું પાણી નાખી ને તૈયાર કરેલી ઢોકળી નાં કટકા નાખી દો. થોડી વાર ઉકાળો. પછી સમારેલી કોથમીર નાખી દો. તૈયાર છે. કાઠીયાવાડી ઢોકળી નું શાક..

એક બાઉલ માં બાજરાનો લોટ લઈ તેમાં મીઠું નાખી ને પાણી થી કણક બાંધો. હવે પાટલા પર લુવો મૂકી દો.

હવે વનેલો રોટલો તાવડી ગરમ કરી ને બેવ બાજુ સેકો.અને ગેસ પર રોટલી ની જેમ શેકી લો. અને ઘી લગાવી દો. તૈયાર છે બાજરાના રોટલા..

હવે શીરો બનાવવાં માટે એક પેન માં રવો શેકી ને એક બાજુ મૂકી દો. હવે એ જ પેન માં ઘી ગરમ કરો તેમાં રવો નાખી થોડી વાર સાતડો. અને પછી એક ચમચો ચણા નો લોટ સાથે જ નાખી ને ફરી એકવાર સાતડો.

હવે રવો ને ચણા નો લોટ શેકાઈ ગયા પછી તેમાં ખાંડ નાખી ને હુંફાળું દુધ પાણી મિક્સ નાખી દો. હવે ઘટ્ટ થાય ત્યાં સુધી હલાવો. ઘી છૂટવા લાગે એટલે પેન માં જ ગેસ બંધ કરી અને એલચી પાવડર નાખી દો. તૈયાર છે. રવાનો શીરો.