રીંગણાની ધોઈ વચ્ચેથી કાપી તેના પર તેલ લગાડો. આ રીંગણા ને ગેસના બર્નર પર બધી બાજુ બરાબર શેકો. રીંગણા બરાબર શેકાઈ જાય એટલે ગેસ પરથી નીચે ઉતારી લો અને ઠંડા થવા દો.

એક કડાઈમાં તેલ ગરમ મૂકી તેમાં જીરૂ નાખો, તેમાં વાટેલું લસણ તથા સુધારેલ ડુંગળી ઉમેરો. બ્રાઉન થાય એટલે તેમાં હિંગ અને મરચું ઉમેરી ટમેટાના ટુકડા નાખી બરાબર હલાવો. તેરી છૂટું પડે એટલે તેમાં લાલ મરચું પાવડર, ધાણાજીરું અને હળદર ઉમેરી રીંગણા નો માવો ઉમેરો. બે-ત્રણ મિનિટ ગેસ પર હલાવો. બધુ બરાબર મિક્સ થઈ જાય એટલે ગરમ મસાલો જરૂરિયાત મુજબ નિમક તેમજ કોથમીર ઉમેરીને હલાવો.

તો તૈયાર છે ગુજરાતીઓનો મનપસંદ ●રીંગણા નો ઓળો● જેને કોથમીર વડે સજાવી બાજરાના રોટલા કે ભાખરી સાથે સર્વ કરી શકાય.....