એક કુકરમાં તેલ મૂકી તેમાં હીંગ હળદર લીલું મરચું લસણ ની પેસ્ટ અને પાણી નાખી ઉકાળવું ત્યારબાદ એમાં બટાકા અને ગુવાર નાખી કુકર બંધ કરી દો અને ૩ સીટી વગાડવી ત્યારબાદ ગેસ બંધ કરી દો. કુકર ઠંડુ પડે એટલે એમાં ખાંડ અને કોથમીર નાખી બરાબર હલાવી શાક સવૅ કરો.

લાપસી માટે એક કુકરમાં ઘી મૂકી લાપસી નો ભરડો નાખી બરાબર શેકાવા દેવું. બ્રાઉન કલર થવા આવે એટલે એમાં ગરમ પાણી નાખી કુકર બંધ કરી ફાસ્ટ ગેસ પર મૂકવું ૧ સીટી વાગે એટલે ધીરા તાપે થવા દેવું. ૩ સીટી વાગે એટલે ગેસ બંધ કરી દેવું.

ત્યારબાદ કુકર ખોલીને એમાં ખાંડ, કેસર વાટેલી ઈલાયચી કાજુ કિશમિશ અને બદામ કતરણ નાખી બરાબર હલાવવું. તૈયાર છે સ્વાદિષ્ટ લાપસી..

બટાકા વડા માટે બાફેલા બટાકા ને બાફી છાલ કાઢી માવો કરવો એમાં લીલું મરચું, મીઠું, લીંબુ આદું લસણ ની પેસ્ટ નાખી બરાબર હલાવી ગોળા બનાવી લેવા. ત્યારબાદ એક બાઉલમાં ચણાનો લોટ રવો હીંગ મીઠું અને પાણી નાખી ખીરું બનાવવું ત્યારબાદ એમાં ગોળા મિક્સ કરી ગરમ તેલમાં તળી લો.