સૌ પ્રથમ લૉટ બાંધવા માટે એક વાડકા માં મેંદો, મીઠુ, અજમો, તથા મુઠ્ઠી પડતું તેલ + 1 ચમચી ઘી લઈ લૉટ મોઈ લેવો. પછી તેમાં થોડુ થોડુ પાણી ઉમેરી ને રોટલી જેવો લૉટ બાંધી લેવો. તથા તેને ઢાંકી ને મૂકી દેવો.

મસાલો બનાવવા માટે જીરું, વળિયારી, ધાણા, લવિંગ સેકી અધકચરા વાંટી લેવા. ડુંગળી ઝીણી સમારી લેવી. બટાકા બાફી લેવા.

તાવડી માં 3 ચમચી તેલ ગરમ કરી તેમાં વાંટેલો મસાલો, આદુ લસણ ની પેસ્ટ, હિંગ, ડુંગળી, તથા મીઠું નાખી સાંતળવું. ડુંગળી સંતળાઈ જાય પછી તેમાં બાકી ના મસાલા નાખી, 2 ચમચી બાફેલી મગ ની દાળ તથા બાફેલા બટાકા નો ભૂકો નાખી બરાબર ભેળવી અને ચણા નો લૉટ છાંટવો.

હવે લૉટ ના લૂઆ કરી. રોટલી ની જેમ વણી તેમાં પુરણ મૂકીને બંધ કરી, વધારાનો લૉટ કાઢી કચોરી ને લૂઆ ની જેમ ગોળ કરી વચ્ચે અંગૂઠા થી દબાવી ને ચપટી કરી લેવી. હવે તેલ ગરમ કરી તેમાં ધીમા તાપે કચોરી ને ગુલાબી તળી લેવી.તૈયાર છે એકદમ ખસ્તા એવી સ્વાદિષ્ટ કાંદા કચોરી.