સ્ટફિંગ માટે એક નોન સ્ટિક પેન માં તેલ મૂકી તેલ ગરમ થાય એટલે એમાં જીરૂ નાખી આદુ મરચા ની પેસ્ટ,લસણ ની પેસ્ટ નાખી ૨ મિનિટ માટે સાંતળો. હવે એમાં હિંગ અને બાફેલા વટાણા નાખી ૨ મિનિટ સુધી સાંતળો.

હવે એમાં લાલ મરચું,ધાણાજીરું,હળદર,ચાટ મસાલો,ગરમ મસાલો,લાલ મરચું નાખી સુગંધ આવે ત્યાં સુધી સાંતળો. વધુ માં વધુ ૨ મિનિટ સુધી સાંતળવું.સુગંધ આવશે જ તમને.

હવે એમાં બાફેલા બટાકા નાખો.અહી મે બટાકા ને બાફીને ઝીણા ઝીણા કાપી લીધા હતા.હવે બધા મસાલા બરાબર મિક્સ કરી ૫ મિનિટ માટે ચડવા દો. થોડા બટાકા ને મેષ કરતા જવું. સ્ટફિંગ તૈયાર છે.ગેસ બંધ કરીને સ્ટફિંગ થોડું ઠંડું પડે એટલે એમાં કાપેલા લીલા ધાણા નાખી મિક્સ કરી લો.

હવે પડ બનાવવા માટે એક બાઉલ માં ઘઉં નો લોટ એમાં મીઠું, અજમો અને ઘી નું મોણ નાખી મસળી લો.લોટ ફોટો માં બતાવ્યા પ્રમાણે મુઠ્ઠી વાળીને ખોલીએ તો છૂટો ના પડવી જોઈએ.હવે એમાં ધીમે ધીમે પાણી નાખી થોડો કડક લોટ બાંધી લો.લોટ નરમ થશે તો સમોસા ઓઇલી થશે.

લોટ માંથી નાના નાના લુવા બનાવી એની રોટલી વણી લો. બો પાતળી પણ ની અને બો જાડી પણ ની.અને એને વચ્ચે થી કટ કરી લો.

હવે એની જે સ્ત્રેઇટ પટ્ટી છે એના પર પાણી લગાડી બંને ને ફોલ્ડ કરી ચોંટાડી દો.હવે વચ્ચે સ્ટફિંગ ભરી બીજી સાઇડ ને પણ પાણી લગાડી સીલ કરી દો.આ રીતે બધા સમોસા તૈયાર કરી લો.

હવે ગરમ તેલ માં આ સમોસા ધીમી આંચ પર ગોલ્ડન બ્રાઉન થાય ત્યાં સુધી તળી લો.ઘઉં નું પડ હોવા છતાં પડ એકદમ સરસ ક્રિસ્પી થશે.તૈયાર છે ગરમ ગરમ સમોસા.અહી મે એને કેચઅપ અને લીલી ચટણી મિક્સ કરીને સર્વ કર્યા છે.