સૌપ્રથમ એક કડાઈ લઈ તે ગરમ થાય એટલે તેમાં ઉપર નાં બધાં ખડા મસાલા નાખીને તેને ૫ મીનીટ માટે શેકી લો. મસાલા તતળે અને સુગંધ આવે એટલે મસાલો તૈયાર થઈ જશે. તે ઠરે એટલે તેને એક જાર માં લઇ અતકચરુ પીસી લેવું.

હવે એક કાથરોટ માં ઘઉં નો લોટ લઈ તેમાં પાલક, સમારેલું લીલું મરચું, ડુંગળી, લાલ મરચું પાવડર, ધાણાજીરું, હળદર, અજમો, ગરમ મસાલો, ચાટ મસાલો, અળસી નો મસાલો અને મીઠું ઉમેરી બરાબર બધું મિક્સ કરી લો. ત્યારબાદ તેમાં દહીં ઉમેરી લોટ બાંધી લો જરૂર પડે તો પાણી નાખવું. અળસી નો જે મસાલો બચે એ તમે ૧ મહિના સુધી એર ‌ટાઇટ ડબ્બીમાં સ્ટોર કરી શકો છો.

હવે એક લૂઓ લઈ વટોળવા નો લોટ લઈ તેને પૂરીની જેમ વણી તેને ચોરસ શેપ આપી વણી લેવું.

પછી તેને પરોઠા ની જેમ તેલ અને ઘી મિક્સ કરીને શેકી લો. અહીં મેં તેલ-ઘી મિક્સ માં પરોઠા શેકવા થી એકદમ નરમ અને પોચા ‌બને છે, જે મારી મમ્મી ની રીત છે.

તો લો તૈયાર છે પાલક અળસી નાં પરાઠા જેને તમે દહીં અથવા ચા જોડે લઈ શકો છો.