સૌ પ્રથમ આખા ધાણા અને જીરુ ને શેકી લેવુ. સૂકા લાલ મરચાને ગરમ પાણીમાં ઉકાળી લેવા. બેસન ને થોડુક તેલ મૂકી શેકી લેવુ. બટાકા બાફીને તૈયાર કરી લેવા.

મિક્સચર જારમાં સૂકા લાલ મરચા, લસણ, શેકેલા ધાણા અને જીરુ, આદુનો ટુકડો અને ટામેટા ના ટુકડા ઉમેરી બધુ એક સાથે ક્રશ કરી પેસ્ટ બનાવી લેવી. બાફેલા બટાકા ને ડીપ ફ્રાય કરી લેવા.

કડાઈમાં તેલ ગરમ કરી તેમાં હિંગ અને 1 ચમચી ક્રશ કરેલુ લસણ ઉમેરવું. હવે બારીક સમારેલી ડુગળી ઉમેરી સાંતળવું. ત્યાર બાદ તેમાં તૈયાર કરેલી ટામેટાની પેસ્ટ ઉમેરવી. બધુ જ પાણી બળી જાય અને તેલ છુટુ પડે ત્યાર બાદ મરચુ, હળદર, ગરમ મસાલો, ચાટ મસાલો, આમચૂર, સંચળ અને મીઠું ઉમેરી મીક્સ કરી લેવુ.

હવે તેમાં શેકેલું બેસન અને એક કપ પાણી ઉમેરી ઉકાળી લેવુ. ગ્રેવી ઘટ્ટ થઈ જાય એટલે તેમાં તળેલા બટાકા અને કોથમીર ઉમેરી 5 મિનીટ માટે ચડવી લેવુ. તૈયાર લસાનીયા બટાકા ને કોથમીરથી ગાર્નિશ કરી સર્વ કરવુ.