સૌપ્રથમ બધી વસ્તુઓ ભેગી કરી લો. ત્યાર બાદ બાફેલા બટેટાનો છૂંદો કરી લો. ત્યારબાદ તેમા બ્રેડ ક્રમ્સ, કોર્નફલોર, મીઠું અને લાલ મરચું પાઉડર ઉમેરો.

ત્યારબાદ બધી વસ્તુઓ ને સરખી રીતે મિક્સ કરી લો. અને એક ચમચી તેલ નાખીને કેળવી લો. ત્યારબાદ આ મિશ્રણને 1/2કલાક ફ્રીજમાં રહેવા દો. એક પ્લાસ્ટિક ઉપર તેલ લગાવી તેના ઉપર મોટો લુવો લો અને ગોળ વણી લો.અને કોઈ કટર અથવા ઢાંકણ ની મદદથી ગોળ આકાર આપી દો.

ત્યારબાદ સ્ટ્રો ની મદદથી તેની આંખ બનાવો અને ચમચીની મદદથી સ્માઈલ બનાવો. ત્યારબાદ તેને 1/2કલાક ફ્રીજરમાં સેટ થવા મૂકી દો. સરખી રીતે સેટ થઈ જાય ત્યારબાદ તેને ફ્રીઝરમાંથી કાઢી લો. અને ધીમા તાપે તળી લો. તો તૈયાર છે પોટેટો સ્માઈલી.જેને ટોમેટો સોસ સાથે ગરમ ગરમ સર્વ કરો.