સૌ પ્રથમ એક વાસણમાં બાફેલા બટેટા લઈ તેને મેશ કરો. ત્યારબાદ તેમાં બ્રેડ ક્રમબ્સ,કોર્ન ફ્લોર,મરી પાઉડર અને સ્વાદ અનુસાર નમક ઉમેરી, બધું જ બરાબર મિક્ષ કરો. જરૂર લાગે તો ફરીથી બ્રેડ ક્રમબ્સ ઉમેરો અને લોટ બાંધો.

બાંધેલા લોટને 30 મિનિટ રેફ્રિજરેટર માં સેટ થવા મુકો.હવે લોટ ને બહાર કાઢી, તેમાંથી એક ભાગ લઈ પાટલા પર હાથ વડે તેનો જાડો રોટલો કરો. હવે નાની વાટકી વડે નાના રાઉન્ડ કટ કરો.સ્ટ્રો ની મદદથી તેની આંખો બનાવો અને ચમચી ની મદદથી સ્માઈલ બનાવો. આ રીતે દરેક સ્માઇલી તૈયાર કરો.અને ફરી તેને 5 મિનિટ માટે રેફ્રિજરેટર માં મુકો.

ત્યારબાદ એક કડાઈમાં તેલ ગરમ મુકો.તેલ ગરમ થાય એટલે દરેક સ્માઇલી ને ગોલ્ડન બ્રાઉન થાય ત્યાં સુધી તળી લો.

તૈયાર થયેલા સ્માઇલીને સર્વિંગ પ્લેટમાં કાઢી ટોમેટો સોસ સાથે ગરમાં ગરમ જ સર્વ કરો. તો તૈયાર છે પોટેટો સ્માઇલી.