ટામેટાં ડુંગળી આદુ મરચા કોથમીર સુધારી લો.(વિન્ટરમાં લીલી ડુંગળી લીલુ લસણ નાખી ને કરી શકાય).વટાણા ને બોઈલ કરવા મૂકી દો

બધા રીંગણા માં તેલ લગાડી શેકી છાલ ઉતારી ગ્લાસની મદદથી મેશ કરી લો.(ચુલા અને ભઠ્ઠીમાં શેકયા હોય એવો દેશી ટેસ્ટ આવે છે લાવા સ્ટોન વાળો સ્ટવ છે)

એક લોયામાં તેલ મૂકી ડુંગળી સાંતળો ડુંગળી બ્રાઉન થાય પછી ટામેટાં એડ કરો ટામેટાં થોડા થઈ જાય પછી બધા મસાલા કરી થોડીવાર થવા દો ત્યારબાદ મેશ કરેલા રીંગણા અને બોઈલ કરેલા વટાણા ઉમેરી બરાબર મિક્સ કરી કોથમીરથી ગાર્નિશ કરો.

બાજરાનો લોટ ચાળી લો ત્યારબાદ મીઠું અને પાણી જરૂર મુજબ નાખી લોટ બાંધી ને ખૂબ મસળી રોટલા ને બે હાથેથી ઘડી લો અથવા પાટલા પર ટીપી શકો છો.તાવડી મૂકી રોટલાને બંને બાજુ શેકી લો.

રોટલા પર ઘી લગાવી સર્વ કરો.એક કુકરમાં દાળ ચોખા ધોઈને જરૂર મુજબ પાણી નાખી હિંગ મીઠું (હળદર) નાખી ખીચડી ધીમા તાપે થવા મૂકી દો.ત્રણ ચાર સીટી વગાડી લો.થોડું પાણી વધુ નાખો તો ખીચડી ઢીલી સરસ થાય છે.

એક લોયા માં થોડું તેલ મૂકી ખીચીયા પાપડ તળી લો.

તૈયાર છે ગુજરાતી સ્પેશિયલ રીંગણા નો ઓળો અને બાજરાના રોટલા પ્યોર કાઠીયાવાડી થાળી.

લસણની ચટણી ગોળ ઘી દહીં છાશ માખણ પાપડ કઢી ડુંગળી ટામેટાં નુ કચુંબર શેકેલા મરચાં મનગમતી વસ્તુ સાથે સર્વ કરો*