કોબીજ ને ચોપરમા બારીક ચોપ્ડ કરી લેવા. પછી એક વાડકાને ગરમ કરી તેમા કોબીજ ને સાતળી લેવા જેથી કોબીજ નુ પાણી બળી જાય.પછી બીજા વાડકામાં ૨ ચમચી તેલ ગરમ થાય છે તેમા આદુ- લસણ - મરચાની પેસ્ટ સાતળી કોબીજ મા ઉમેરી દેવી,સાથે મરી પાઉડર અને મીઠું પણ ઉમેરી દેવુ.

મસાલા કરી કોબીજ ને હલકા હાથે મિકસ કરી લેવુ.

હવે મેંદાના લોટ ને મસળીને નાના લુઆ કરી, પૂરી વણી ને તેમા એક ચમચી સ્ટફિંગ મૂકી મોમો વાળીને તૈયાર કરવા,

મોમો ને સ્ટીમરમાં તેલથી ગ્રીસ કરેલી ચારણીમાં મૂકી ૧૦ મિનીટ માટે સ્ટીમ કરવા, ૧૦ મિનીટ પછી મોમો ને કાણા વાળી જાળી પર મૂકી ઠંડા પડે એટલે પતળા કાપડ પર મૂકી ડબ્બામાં મૂકવા.

હવે એક કઢાઇ મા તેલ ગરમ થાય એટલે તેમાં મોમો ને ગોલ્ડન તળી લેવા, પછી એક વાડકામાં૨ ચમચા તેલ મૂકી લસણ - મરચાની પેસ્ટ નાખી બે મિનિટ સાતળવુ.

પછી તેમા કાંદા બે મિનીટ સાતળી કેપ્સીકમ નાખી સાતળવા બે મિનીટ પછી તેમા બધા સોસ ઉમેરી લેવા.

બધા મસાલા બરાબર મિકસ થાય એટલે તેમાં તળેલા મોમો ઉમેરી મિકસ કરી કોર્નફ્લોર ની સ્લરી નાખી બધુ બરાબર મિકસ કરવુ. મિકસ થયા બાદ કોથમીર ભભરાવી સર્વ કરવુ.