એક બીજા વાસણ પર ચારણી મૂકી એમાં મેંદો, બેકિંગ પાઉડર અને મીઠું નાખી ચાળી લેવું. એમાં દળેલી ખાંડ મિકસ કરવી. હવે હૂંફાળા દૂધથી લોટ બાંધી લેવો. હવે બટર નાખી લોટ ને મસળવો. સરસ રીતે મિક્સ કરવું. આ લોટને એક કલાક ઢાંકીને રાખી મૂકવો.

એક કલાક માં લોટ ફૂલીને બે ગણો થઈ જશે. હવે લોટને મસળીને એમાંથી એક ગુલ્લુ લઈને વણવું. અડધા ઇંચ ના જાડા રોટલા જેવુ વણવું. પાણી પીવાના ગ્લાસ ની મદદથી સર્કલ કાપી લેવા. નાના ઢાંકણા ની મદદથી દરેક સર્કલમાં નાના કાણા કરવા. આ રીતે બધા લોટના ડોનટ્સ બનાવી લેવા.

હવે એક કડાઈમાં તેલ ગરમ કરવા મૂકવું. ગેસ નો તાપ મધ્યમથી ધીરો રાખો. તેલ ગરમ થઇ જાય એટલે એમાં ડોનટ તળી લેવા. તળતી વખતે તાપ ધીમો રાખવો જરૂરી છે. ધીરા તાપે તળવા થી ડોનટ સરસ ફૂલે છે. તળેલા ડોનટ ને રૂમ ટેમ્પરેચર પર ઠંડા થવા દેવા.

ગ્લેઝિંગ બનાવવા માટે એક પેનમાં બટર ને ઓગાળવું. એમાં વેનીલા એસેંસ મિક્સ કરવું. હવે આઈસીંગ ખાંડ ઉમેરવી. બધું બરાબર મિક્સ કરવું. ગેસ નો તાપ મીડીયમ રાખવો. હવે એમાં બે ચમચી ગરમ પાણી ઉમેરવું. બધું એકરસ થાય એ રીતે હલાવી લેવું. ગેસ પરથી ઉતારી લેવું. એમાં પસંદગીનો કલર ઉમેરવો. ગ્લેઝિંગ તૈયાર છે. ડોનટ્સ ઠંડા થાય એટલે ગ્લેઝિંગ કરવું.

દળેલી ખાંડ અને તજનો પાઉડર મિક્સ કરી ને પણ donuts પર છાંટી શકાય. ડાર્ક અને વ્હાઇટ ચોકલેટ કમ્પાઉન્ડ વાપરીને પણ ચોકલેટ ડોનટ્સ બનાવી શકાય.

સુપર સોફ્ટ ડોનટ્સ તૈયાર છે.