સૌપ્રથમ આ બધી સામગ્રી ભેગી કરો. ત્યારપછી એક ટિનની તપેલીમાં પાણી ગરમ મૂકી તેમાં કાંઠો રાખી તેની ઉપર એક નાનકડી ટીન નું વાસણ રાખી તેમાં થોડું તેલ લગાવી દો. હવે ચણાનો લોટ ચાળી તેમાં લીંબુના ફૂલ તેમજ મીઠું ઉમેરી તેમાં થોડું થોડું પાણી ઉમેરવું ને મિક્સ કરતાં જવું. બેટર જાડું પણ ના રહે અને પાતળું પણ ના રહે તેવું તૈયાર કરો. ત્યારબાદ તેમાં ચમચી ઇનો ઉમેરી તેમાં ફરી ૩ ચમચી પાણી ઉમેરી તેને વહીસ્ક વડે એકદમ ફેંટવું.

હવે જે ટિનનું વાસણ આપણે ગરમ કરવા રાખેલ છે તેમાં તૈયાર કરેલ બેટર રેડી દો. ત્યારપછી તેમાં એક થાળી ઢાંકી તેને ૨૦ મિનીટ સુધી થવા દો. ત્યારબાદ થાળી ઉપર થી ઉતારી ગેસ બંધ કરી દો. ઢોકળા ને થોડી વાર ઠંડા થવા દો. ત્યારબાદ તેના ટુકડા કરી લો.

હવે એક લોયું મૂકી તેમાં તેલ ગરમ મૂકી તેમાં રાઈ, લીલાં મરચાં નો વઘાર કરી તેમાં ૧/૨ કપ પાણી ઉમેરી તેને ઉકળવા દો. ત્યારપછી તેમાં મીઠું તેમજ ખાંડ ઉમેરી તેને ફરી ઉકળવા દો. ગેસ બંધ કરી તેને ૫ મિનીટ થળવા દો. ત્યારબાદ ઢોકળા ની થાળી માં તૈયાર કરેલ વઘાર રેડી દો. તો તૈયાર છે સોફ્ટ એન્ડ જારીદાર ઢોકળા. ઉપર ધાણા થી ગાર્નિશ કરો.