સૌપ્રથમ એક બાઉલમાં ચણાનો લોટ લઇ તેમાં મીઠું તેલ ખાંડ તથા લીંબુના ફૂલ ઉમેરો. આ મિશ્રણમાં જરૂર મુજબ પાણી ઉમેરી ખાંડ ઓગળી જાય ત્યાં સુધી બરાબર મિક્સ કરો. (આ મિશ્રણને બહુ ઘટ કે બહુ પાતળું રાખવાનું નથી) બીજી બાજુ ઢોકળિયામાં પાણી ગરમ કરી લો જે થાળીમાં ખમણ બનાવવા ના હોય એમાં તેલ લગાવી તેને ઢોકળીયામાં રાખી દો.

પાણી બરાબર ગરમ થઈ જાય એટલે ચણાના લોટના મિશ્રણમાં ઇનો નું આખું પાઉચ નાખી એક જ દિશામાં બરાબર ફીણી ને આ મિશ્રણને ખમણની થાળી માં પાથરી દો ઉપરથી લાલ મરચું ભભરાવી દસ મિનિટ માટે સ્ટીમ થવા દો

ખમણ થઈ જાય એટલે થાળીને બહાર કાઢીને ઠંડી થવા દો. તેના કાપા કરી લો. એક વઘારીયામા ખમણ નો વઘાર તૈયાર કરી તેમાં પાણી તથા ખાંડ ઉમેરી તેને થોડું ઉકળવા દો. આ પાણીને બનાવેલા ખમણ ઉપર બધી જ બાજુ બરાબર રેડી દો ઉપરથી લીલા ધાણા ભભરાવી સર્વ કરો(આ માપ થી એક થાળી ખમણ તૈયાર થાય છે)