સૌપ્રથમ મીકસર જાર માં ચોખા અને દાળ ને દળી લેવું. દળેલા લોટ ને એક બાઉલમાં લઈ તેમાં તેલ નું મોણ, દહીં,ખાવા નો સોડા નાખવું. હવે ગેસ પર પાણી ગરમ કરવા મુકવું તેમાં બે ચમચી તેલ નાખવું. ગરમ કરેલા પાણી ને લોટ માં ઉમેરવું. ખીરૂ તૈયાર કરવું.

ત્યારબાદ ખીરાના ત્રણ ભાગ કરવા એક ભાગના ખીરામા લીલી ચટણી બીજા ભાગના ખીરામા ગાજર અને ટામેટા માં લાલ મરચું પાઉડર નાંખી મિક્સર જારમા પીસેલી પેસ્ટ નાખવી, ત્રીજા સફેદ ભાગના ખીરામા મરચાં ની પેસ્ટ અને મીઠું નાખી એમ ખીરાના ત્રણ ભાગ કરવા.ત્રણેય ભાગમાં ખાવા નો સોડા નાખી મિક્સ કરવું.

ત્યારબાદ ગેસ પર ઈદળાના કુકર માં પાણી ગરમ કરવા મુકવું. પછી ઈદળાની થાળી માં તેલ લગાવી પહેલા લીલી ચટણીવાળું ખીરું પાથરી ચાર મિનિટ ઢાંકી ને થવા દેવું. પછી ઉપર સફેદ ખીરું પાથરવુ.એને પણ ચાર મિનિટ ઢાંકી ને થવા દેવું. પછી ગાજર ટામેટા વાળું ખીરું પાથરી થવા દેવું.

ત્યારબાદ થાળી કુકરમાથી કાઢી ઠંડી થવા દેવું. ઠંડી થઈ જાય એટલે તેમા કાપા પાડી લેવા. પીસ કરવા પછી તેને બાઉલમાં કાઢી ઉપર તેલ, રાઈ, તલ,મીઠા લીમડાનાં પાન અને કાપેલા લીલા મરચા નો વઘાર કરી ગરમ ગરમ સવ કરવું.