સૌપ્રથમ ઝીણી સમારેલી પાલક અને મેથી ની ભાજી ને ધોઇ લેવું. પછી એક બાઉલમાં બધાં લોટ લઈ તેમાં સમારેલી બંને ભાજી ઉમેરવી.તેલનું મોણ નાખવું.

ત્યારબાદ તેમાં લીલા મરચાં ની પેસ્ટ, આદુ ની પેસ્ટ, હળદર, ધાણાજીરું પાઉડર, ખાંડ અને મીઠું સ્વાદ મુજબ નાખી મીક્સ કરવું પછી તેમાં બેત્રણ ચમચી પાણી નાંખી મિક્સ કરેલા લોટ ને મસળી લેવું.

ત્યારબાદ તૈયાર કરેલા લોટમાંથી નાના નાના મુઠીયા વાળી લો. પછી મુઠીયા ને ઢોકળા ના કુકર માં 20 મિનિટ સુધી બાફવા.પછી તેને કુકર માંથી કાઢી ઠંડા થવા દેવું. ઠંડા થઈ જાય એટલે મુઠીયા ને કાપી પેનમાં તેલ મુકી તેમાં રાઈ, તલ અને હીંગ નાંખી વધારવું.ગરમ ગરમ સર્વ કરવું.