તંદુરી મસાલો બનાવવા માટે એક પેનમાં જીરુ, ઈલાયચી, લવિંગ, મરી, કસૂરી મેથી, મેથીદાણા, અજમો આ બધાને ધીમા તાપે શેકી લો પછી તેને મિક્સર ગ્રાઈન્ડર માં ક્રશ કરી લો. હવે તેમાં આમચૂર પાઉડર, કાશ્મીરી લાલ મરચું,ચપટી હિંગ અને ચાટ મસાલો એડ કરીને બરાબર મિક્ષ કરી લો તો રેડી છે તંદુરી મસાલો.

પાનમાં બટર મૂકીને તેમાં ગાજર, લીલી ડુંગળી, કેપ્સીકમ અને મકાઈના દાણાને બે મિનિટ માટે શેકી લો જેથી બધું પાણી શોષાઈ જાય હવે બધુ બરાબર મિક્સ કરી લો. ઠંડુ થાય પછી તેમાં પનીરને મસળી ને એડ કરો પછી તેમાં તંદુરી મસાલો એડ કરીને મિક્સ કરી લો. મોમોઝ માટે સ્ટફિંગ રેડી છે

હવે લોટમાંથી નાના લુઆ કરી પૂરી વણી લો. વણેલી પૂરી ની વચ્ચે સ્ટફિંગ ભરી ને મોમો નો આકાર આપી સીલ કરી લો. પછી તેલ મૂકીને તળી લો.ઠંડા થાય પછી તેને મેરીનેટ કરો.

મેરીનેટ કરવા માટે એક બાઉલમાં શેકેલો ચણાનો લોટ લો. તેમાં ઘટ્ટ દહીં, તાજી મલાઈ, મીઠું, તંદુરી મસાલો, કાશ્મીરી લાલ મરચું, મસ્ટર્ડ તેલ, આદુ-લસણની પેસ્ટ આ બધું મિક્સ કરીને એક બેટર બનાવી લો તેમાં મોમોસ ને મેરીનેટ કરો.

પછી એક બાઉલમાં તંદૂર ને ધુંગાર આપવા માટે મોમોસ, કેપ્સિકમ અને ટામેટાના ટૂકડા લો.અને એક વાડકીમાં શેકેલો કોલસો મૂકો અને તેની પર ચમચીથી ઘી રેડો પછી બાઉલ નું ઢાંકણ બંધ કરી દો.

હવે એક સ્ટીક માં કેપ્સીકમ ભરાવો પછી મોમોસ પછી ટામેટુ અને મોમોસ અને પછી કેપ્સીકમ. પછી પાનમાં બટર મૂકી ને બંને સાઇડ શેકી લો. તો રેડી છે તંદૂર/સમોકડ ફ્લેવર્ડ મોમોસ.