એક થાળી માં ઘઉં નો લોટ લઇ તેમાં મેંદો, જીરૂ, મીઠું અને ઘી નું મોણ નાખી જરૂર મુજબ પાણી ઉમેરી સમોસા માટે નો લોટ બાંધી લેવો. તેને ૧૫ મિનિટ ઢાંકી ને મૂકી રાખવો.

હવે બાફેલા બટાકા ને ક્રશ કરી લેવા. તેને બરાબર ઠંડા પડવા દેવા. એક કઢાઈ માં તેલ ગરમ થાય એટલે તેમાં જીરૂ, આદું - મરચાં -લસણની પેસ્ટ અને કટ કરેલો ફુદીનો નાખી સાંતળવું. હવે તેમાં હળદર અને ધાણા જીરૂ નાખવા.

આ વઘાર ઠંડો પડે એટલે તેને ક્રશ કરેલાં બટાકા માં નાખવો અને હવે તેમાં બાકી નો મસાલો એટલે કે આમચૂર પાઉડર, ગરમ મસાલો, કટ કરેલા લીલા ઘાણા ને સ્વાદ મુજબ મીઠું ઉમેરી બરાબર હલાવી ને સમોસા માટે નું પૂરણ તૈયાર કરી લેવું.

હવે લોટ માં થી એક મોટો લૂવો લઇ તેને ગોળ વણી લઈ વચ્ચે થી કાપી લેવું. તેમાં સમોસાનું પૂરણ ભરી સમોસા નો શેપ આપી દેવો.

એક કઢાઈ માં તેલ ગરમ થાય એટલે તેમાં સમોસા તળી લેવા.પછી સમોસા ને લીલી ચટણી, ખજૂર - આંબલી ની ચટણી ને કટ કરેલી ડુંગળી સાથે ગરમાગરમ પીરસવા.