એક વાસણ માં છાશ અને ચણાનો લોટ સારી રીતે મિક્સ કરો. તેમાં હળદર અને મીઠું નાંખો, ચમચી થી સારી રીતે ભળી દો. (મિશ્રણ માં ગઠ્ઠો ના પડવો જોઈએ.)

મિશ્રણ ને પેન માં નાખી ગેસ પર મુકો અને ખાંડવીને મીડિયમ ફ્લેમ પર રાંધો. તમે જોશો કે ચણાનો લોટ ઘટ્ટ થઈ રહ્યો છે. ગેસની ફ્લેમ ઓછી કરી સતત હલાવતા રહો. મિશ્રણ ની કોંસિસ્ટેંસી થીક ના થાય ત્યાં સુધી લગભગ 8-9 મિનિટ સુધી પકાવો. જો તમે આ કરતાં વધુ પકાવશો, તો મિશ્રણ વધુ થીક (જાડું) થઈ જશે, જેથી ખાંડવી નું પડ પાતળું નહિ થાય.

મિશ્રણની માત્રા મુજબ, 2-3 પ્લેટો અથવા ટ્રે લો, પ્લેટમાં તેલ લગાવો, ખાંડવી ના મિશ્રણ ને પ્લેટ અથવા ટ્રે માં તબેથા ની મદદથી પાતળું ફેલાવો.

8-10 મિનિટ પછી, આ મિશ્રણ ઠંડુ થાય અને થીજી જાય એટલે છરી ની મદદથી આ સ્થિર લેયરને 6 ઇંચ લાંબા 2 ઇંચ પહોળા પટ્ટામાં કાપો અને આ સ્ટ્રીપ્સનો રોલ બનાવો, બધા રોલ્સને પ્લેટમાં મૂકો.

હવે વઘારીયા માં 2 ટે. ચમચી તેલ નાંખીને તેને ગરમ કરો, રાઈ ના દાણા ગરમ તેલમાં નાંખો, જ્યારે રાઈ ના દાણા તતડે ત્યારબાદ તેમાં હિંગ, મીઠાં લીમડાનાં પાન અને કાપેલા લીલા મરચાં નાંખો. દરેક ખાંડવી પર ચમચી વડે વગાર સરખી રીતે પાથરો.

ખાંડવીને સર્વિંગ પ્લેટમાં મુકો. તેને લીલા ધાણા વડે ગાર્નિશ કરો. લો તૈયાર છે દરેક ગુજરાતીઓની favourite એવી ખાંડવી...😋