એક પ્રેશર કૂકરમાં બટકાં નરમ થાય ત્યાં સુધી બાફી લો. પછી છાલ કાઢીને મેશ કરી લો. વટાણાંને 5 મિનિટ પાણીમાં નાખીને ઉકાળો. એક બીજા બાઉલમાં મેશ કરેલા બટાકાં, બાફેલા વટાણાં, 4 ટેબલ સ્પૂન બ્રેડક્રમ્બ્સ, છીણેલું આદુ, કોથમીર, ઝીણા સમારેલાં લીલા મરચા, ગરમ મસાલો, લાલ મરચું, લીંબુનો રસ અને મીઠું નાખો.

આ બધી સામગ્રીને બરાબર રીતે મિક્સ કરી લો. પછી તેના બોલ વાળી લો. પછી આ બોલને હથેળી દબાવીને ચપટો કરી લો. થેપીને તેને નાની પૂરી જેવો આકાર આપવો. પછી એક થાળીમાં 4 ટેબલ સ્પૂન બ્રેડક્રમ્બ્સ લઈ તેમાં રગદોળો. આવી જ રીતે બાકીની પેટીસ બનાવી લો.

હવે એક નોન-સ્ટીક તવાને મધ્યમ ફ્લેમ પર ગરમ કરો અને તેના પર 2-3 ટીસ્પૂન તેલ નાખો. 3-4 પેટીસને તવા પર રાખો. જ્યાં સુધી પેટીસની નીચેની તરફ ગોલ્ડન રંગની ન થાય ત્યાં સુધી શેકો. હવે પેટીસને ફેરવીને ચારે બાજુ તેલ નાખીને ગોલ્ડન થાય ત્યાં સુધી બનાવો. હવે આવી જ રીતે બાકીની ટિક્કી પણ બનાવી લો. તૈયાર થયેલી ટિક્કીને સૉસ કે ગ્રીન ચટણી સાથે પીરસી શકો છો.

જો તમારી પાસે બ્રેડક્રમ્બ ન હોય તો કોર્ન ફ્લોરનો ઉપયોગ પણ કરી શકો છો. તમારા સ્વાદ પ્રમાણે મસાલામાં વધ-ઘટ કરી શકો છો.ટિક્કીને ક્રિસ્પી બનાવવા માટે ભારે તળિયાવાળા વાસણનો ઉપયોગ કરવો.