સૌ પ્રથમ 1 પેન માં તેલ ગરમ કરો. ત્યારબાદ તેમાં બધા ખડા મસાલા ઉમેરો જીરું, સૂકું લાલ મરચું, તજ, લવિંગ, ઈલાયચી ઉમેરો. થોડા કુક થાય એટલે તેમાં ડુંગળી અને લીલું મરચું ઉમેરીને સાંતળો.

ડુંગળી સંતળાઈ જાય એટલે તેમાં ટોમેટો, કાજુ અને આદુ લસણ ની પેસ્ટ ઉમેરો. ત્યાર બાદ તેમાં મીઠું અને હળદર ઉમેરો અને કૂક કરો. ટોમેટો થોડા નરમ થાય એટલે તેમાં પાલક, કોથમીર અને ફૂદીનાના પાન સરખા ધોઈને નાખો. અને બધુ બરાબર હલાવી લો અને કૂક કરી લો. ભાજી માંથી જે પાણી છૂટે તેનાથી બધું રંધાઈ જશે. હવે બધા મસાલા કરી લો લાલ મરચું, ધાણાજીરું અને કિચન કિંગ મસાલો ઉમેરીને કૂક કરી લો. આને 5 મિનિટ પછી ગેસ બંધ કરી દો અને મિશ્રણ ને ઠંડુ થવા દો.

મિશ્રણ ઠંડુ થાય ત્યાં સુધી આદુ ની લાંબી ચીરી કરી લઈશું અને પનીર ના ટુકડા કરી લઈશું. અને મિશ્રણ ઠંડુ થાય એટલે મિક્સર માં પીસી લો.

હવે એ જ પેન માં ઘી ગરમ કરી તેમાં આદુ ની સમારેલી ચીરી ઉમેરો ત્યારબાદ બનાવેલી ગ્રેવી ઉમેરો અને કૂક કરો અને જરૂર મુજબ પાણી ઉમેરો અને 5 થી 7 મિનિટ સરસ કૂક કરી લો અને છેલ્લે પનીર ના ટુકડા નાખીને 1 મિનિટ રાખીને ગેસ બંધ કરી દો. તૈયાર છે પનીર ફૂદીના અદરકી. ફૂદીનાના પાન, પનીર ના ટુકડા અને આદુ ની ચીરી થી ગાર્નિશ કરી ને સર્વ કરો.