સૌપ્રથમ એક બાઉલમાં સોજી,પૌંઆ નો પાઉડર, દહીં, મીઠું અને જરુર મુજબ પાણી ઉમેરી થીક બેટર તૈયાર કરી ૧૫ મિનિટ રેસ્ટ આપવો.

ત્યારબાદ તેમાં છીણેલી દૂધી, મકાઈ, કેપ્સીકમ,, તેમજ સોડા સિવાય ના બઘા ઈનગ્રીડિયન્ટસ્ ઉમેરી જરુર મુજબ પાણી અને સ્વાદ પ્રમાણે મીઠું ઉમેરી મિક્સ કરી લેવું. વઘાર માટે ૩ ચમચી તેલ ગરમ કરી ૧ ચમચી રાઈ અને જીરું નો વઘાર કરી મીઠા લીમડાના પાન, સુકું લાલ મરચું, હિંગ ઉમેરી સરસ વઘાર કરવો.આ વઘાર બેટર માં રેડી મિકસ કરી લેવું.

હવે એક કઢાઈમાં ૨ ચમચી તેલ ગરમ કરવા મૂકવું.બેટર માંથી ૧/૨ કપ બેટર નાનાં બાઉલમાં કાઢી તેના ઉપર ચપટી સોડા ઉમેરી મિક્સ કરી લેવું. ગરમ તેલમાં ૧ ચમચી તલ ઉમેરી ને તરત જ આ સોડા વાળું બેટર તેમાં રેડી ઢાંકણ ઢાંકી સ્લો ફલેમ પર ૫ મિનિટ અથવા ક્રિસ્પી થાય ત્યાં સુધી કુક કરી બીજી સાઈડ ટર્ન કરી બંને સાઇડ ક્રિસ્પી સેકી લેવો. આ જ રીતે નાનાં હાંડવા તૈયાર કરવા.(તેલ ઓછું કે વઘારે યુઝ કરી શકાય)

તૈયાર છે ઇન્સ્ટન્ટ હેલ્ધી હાંડવો. કેચઅપ અથવા ગ્રીન ચટણી સાથે ગરમાગરમ હાંડવો સર્વ કરો.