સૌ પ્રથમ વડાનું બૅટર બનાવવા માટે અડદની દાળ અને મગની મોગર દાળને અલગ અલગ 6-8 કલાક પલાળવા.

હવે વધારાનું પાણી નીતારી, મિકસચર જારમાં લેવી. તેમાં આદુ અને લીલા મરચાં સમારીને એડ કરવી. હવે બન્ને દાળને એકસાથે પીસવી. (બૅટર ઘટ્ટ રાખવા નુ છે, તેથી દાળ પીસતી વખતે પાણી ન લેવું. જરૂર પડે તો જ 1-2 ટે.સ્પૂન જેટલું એડ કરવું). પીસાઈ જાય એટલે 30 મિનિટ સુધી ઢાંકી ને રેસ્ટ આપવું.

હવે વડા બનાવવા પહેલાં બૅટર માં મીઠું એડ કરી મિક્સ કરવું. વડા તળવા માટે તેલ ગરમ થાય એટલે હાથેથી અથવા કડછી વડે વડા પાડવા. મિડીયમ ફલૅમ પર બદામી રંગના તળી લેવાં.

વરાળ નીકળી ગયા પછી તેને પાણીમાં ડુબાડી રાખવા. આ રીતે બધા વડા તળીને પાણીમાં ડુબાડી દેવા. 1.5-2 કલાક પાણીમાં રાખવાથી વડા એકદમ સોફ્ટ થઈ જશે.

બટાકા બાફી ને સમારી લેવાં. ત્યારબાદ હીંગ અને હળદરનો વઘાર કરી બટાકા એડ કરવા. મીઠું, મરચું, ધાણાજીરું એડ કરી સારી રીતે મિક્સ કરી લેવું. સમારેલી કોથમીર એડ કરવી. લસણ અને લાલ મરચાં ની ચટણી બનાવવી, તથા ખજૂર આંબલી અને ગોળ વાળી મીઠી ચટણી બનાવવી. તથા દહીં વલોવી લઈ તેમાં સ્હેજ મીઠું અને પીસેલી ખાંડ એડ કરવી.

એસેમ્બલ કરવા માટે એક બાઉલમાં વડા(બે હાથથી દબાવીને વડામાંથી પાણી કાઢી નાખવું)મુકી, વઘારેલા બટાકા, દહીં, ખજૂર આમલીની ચટણી, લસણ લાલ મરચાં ની ચટણી, શેકેલું જીરું પાઉડર એડ કરવું. કોથમીર થી ગાનિઁશ કરી સર્વ કરવું.