સૌ પ્રથમ આપણે સેન્ડવિચ નું પૂરણ બનાવીશું. એની માટે એક પેન માં તેલ ઉમેરી ગરમ થાય એટલે એમાં રાઇ, જીરું ફૂટે એટલે એમાં મીઠા લીમડા ના પાન, હિંગ, જીના સમારેલા લીલાં મરચાં અને હળદર પાઉડર ઉમેરી બરાબર મિક્સ કરી ગેસ ની સ્લો ફ્લેમ પર સાંતળવું.

હવે આ મિશ્રણ માં બાફેલા બટાકા ના નાના ટુકડા ઉમેરી ૩ થી ૪ મિનિટ માટે સાંતળો. હવે આ મિશ્રણમાં મીઠું, આદુ - લસણ ની પેસ્ટ ઉમેરી સાંતળવું. હવે આ બટાકા માં માવા ને મેશર થી મેશ કરી લો.

હવે આમાં બાફેલા લીલા વટાણા, જીની સમારેલી કોથમીર, લીંબુ નો રસ અને પાઉં ભાજી મસાલો ઉમેરી બધું મિક્સ કરી લો. હવે ગેસ ની ફલેમ બંધ કરી આ મિશ્રણ ને ઠંડું કરવા મૂકો.

ત્યાર બાદ સેન્ડવીચ બ્રેડ પર બટર સ્પ્રેડ કરી લો. પછી તેના પર સેન્ડવિચ ની લીલી ચટણી લગાવવી. ત્યાર બાદ આ ચટણી પર બટાકા નું પૂરણ સ્પ્રેડ કરો. હવે આની પર સેન્ડવીચ મસાલો અને પાઉં ભાજી મસાલો નો છંટકાવ કરો.

હવે આ બ્રેડ પર ટામેટા ની સ્લાઈસ, કેપ્સીકમ ની રિંગ્સ, ડુંગળી ની સ્લાઈસ મૂકી ઉપર થી સેન્ડવીચ મસાલો છાંટી તેના પર ચીઝ ની ચોરસ સ્લાઈસ મૂકો.

હવે બીજી બ્રેડ ની સ્લાઈસ પર બટર ને લીલી ચટણી લગાવી આ બનાવેલ સેન્ડવીચ બ્રેડ પર ગોઠવી ઉપરથી પ્રેસ કરી ઉપર બટર લગાવો.

હવે ગેસ ની સ્લો ફલેમ પર એક ગેસ ટોસ્ટર ને બટર થી ગ્રીસ કરી એમાં આ બનાવેલી સેન્ડવીચ ગોઠવી ટોસ્ટ કરી લો. એને થોડી થોડી વાર ખોલી ને જોતા રહેવું જેથી બ્રેડ બળી ના જાય. (જો તમારી પાસે આ પ્રમાણે નું ગેસ ટોસ્ટર ના હોય તો નોનસ્ટિક પેનમાં માં આ ટોસ્ટ સેન્ડવીચ બનાવી શકાય છે.)

હવે આપણી મસાલા ટોસ્ટ સેન્ડવીચ તૈયાર છે સર્વ કરવા માટે. ગરમ ગરમ સેન્ડવીચ પર તરત જ બટર લગાવી દો. હવે આ સેન્ડવીચ પર લીલી ચટણી, ટામેટા સોસ લગાવી ઉપર થી બેસન ની જીની સેવ અને લીલી કોથમીર ના પાન થી ગાર્નિશ કરો. ને તમારા મન પ્રમાણે ટોસ્ટ સેન્ડવિચ ને નાઇફ થી કટ કરી લો. ને આ મસાલા ટોસ્ટ સેન્ડવિચ ને લીલી ચટણી ને ટામેટા કેચઅપ સાથે સર્વ કરો.