સૌપ્રથમ પનીરને મેરીનેટ કરવા માટે એક બાઉલમાં હંગ કડ, ચણાનો લોટ, મીઠું, સંચળ, પંજાબી ગરમ મસાલો ધાણા પાઉડર, જીરુ પાઉડર, ચાટ મસાલો, કાશ્મીરી લાલ મરચું અને આદુની પેસ્ટ લો.હવે એક કડાઈમાં બે ચમચી તેલ ગરમ કરવા મુકો.

તેલ એકદમ ગરમ થાય ત્યારબાદ તેને ઠંડુ કરી લાલ મરચું નાખો. અને આ તેલ દહીં ના મિશ્રણમાં એડ કરો. બધુ બરાબર મિક્સ કરવુ. ત્યારબાદ તેમાં કટ કરેલા કેપ્સિકમ અને ટામેટાના એડ કરવા. (જો તમે કાંદા ખાતા હોય તો કાંદા પણ લઈ શકો છો)

હવે તેમાં પનીર એડ કરો. બરાબર કોટિંગ કરી 30 મિનિટ માટે રેસ્ટ આપો. હવે એક સ્ટીક માં કેપ્સીકમ ટામેટુ અને પનીર વારાફરતી ગોઠવો

ત્યારબાદ તેને ધીમા તાપે ગ્રીલ કરો. નોનસ્ટિક તવા પર થોડું તેલ ગરમ કરી તેના પર મેરીનેટ કરેલા પનીર કેપ્સિકમ અને ટામેટાના ને રોસ્ટ કરવા. આમ બંને રીતે પનીરને રોસ્ટ કરી શકાય છે.

તૈયાર થયેલા પનીરને એક પ્લેટમાં લેવા.

ગ્રેવી બનાવવા માટે સૌપ્રથમ સુકા મસાલા તૈયાર કરવા.ટામેટા અને દૂધી ને ઝીણા કટ કરવા.(દુધી ની જગ્યાએ કાંદા લઇ શકો છો) હવે એક કડાઈમાં તેલ ગરમ કરો ત્યારબાદ તેમાં તૈયાર કરેલા મસાલા એડ કરી થોડીવાર સાંતળો.

હવે તેમાં દૂધી અને ટામેટાં એડ કરવા. ત્યારબાદ તેમાં મીઠું અને લાલ મરચું એડ કરી બધું બરાબર મિક્સ કરો.

હવે આ મિશ્રણને એકદમ ઠંડુ થવા દેવું ત્યારબાદ તેને મિક્સરમાં જાર માં લઈ થોડું પાણી એડ કરી પેસ્ટ તૈયાર કરવી. હવે એક કડાઈમાં તેલ ગરમ કરો.

ત્યારબાદ તેમાં ઝીણા સમારેલા ટામેટા અને આદુની પેસ્ટ એડ કરો. ત્યારબાદ તેમાં કોથમીર અને કસુરી મેથી એડ કરો. બધું બરાબર મિક્સ કરો. ટામેટા થોડા ચડી જાય પછી તેમાં ટામેટા અને દુધી ની બનાવેલી પેસ્ટ એડ કરવી.

ત્યારબાદ તેમાં થોડુ પાણી એડ કરો અને બરાબર મિક્સ કરો હવે તેમાં ચાટ મસાલો, કિચન કિંગ મસાલો, મીઠું અને કાશ્મીરી લાલ મરચું એડ કરી બરાબર મિક્સ કરો અને પાંચ થી ૭ મિનીટ ચડવા દેવું. ત્યારબાદ તેમાં મેરીનેટ કરતા વધેલું દહીં અને બેસન નું મિશ્રણ એડ કરવુ. બરાબર હલાવી લેવું. ત્યારબાદ તેમાં ખમણેલું પનીર એડ કરવું.

બરાબર મિક્સ કરી તેમાં રોસ્ટ કરેલા પનીર કેપ્સિકમ અને ટામેટાના એડ કરવા. બરાબર મિક્સ કરી થોડી વાર ચડવા દેવું. છેલ્લે તેમાં અડધા લીંબુનો રસ અને પાણી ઉમેરી મિક્સ કરવુ તૈયાર છે પનીર ટીકા મસાલા.