સૌપ્રથમ બટાકાને સારી રીતે ધોઈને કુકરમાં બાફી લેવા. બટાકા બફાઈ જાય ત્યારબાદ બટાકાને છોલીને બટાકાનો માવો કરી લેવો.

ત્યારબાદ બટાકાના માવામાં હળદર, લાલ મરચાનો પાઉડર, ચાટ મસાલો ધાણાજીરૂ,ગરમ મસાલો એક ચમચી લીંબુ નો રસ સ્વાદ મુજબ મીઠું અને કોથમીર નાખીને બરાબર મિક્સ કરી લેવું. અને બટાકાનો માવો તૈયાર કરી લેવો.

ત્યારબાદ એક મોટા બાઉલમાં ચણાનો લોટ લઇ તેમાં હળદર અને મીઠું નાખીને બરાબર મિક્સ કરી લેવું અને હવે જરૂરિયાત મુજબ પાણી નાખીને ખીરું જેવું તૈયાર કરી લેવું.

ત્યારબાદ હવે બ્રેડની સ્લાઈસ લઈને બ્રેડ ઉપર તૈયાર કરેલો બટાકાનો માવો લગાવીને સેન્ડવીચ તૈયાર કરી લઈશું આવી જ રીતે બધી બ્રેડની સ્લાઇસ ઉપર બટાકાનો માવો લગાવીને પછી સેન્ડવીચ તૈયાર કરી લઈશું.