સૌ પ્રથમ એક બાઉલમાં બેસન, દહીઁ, મીઠું અને હળદર લો હવે પાણી ઉમેરો.હવે મિશ્રણ માં ગાંઠા ના રહે એ રીતે મિશ્રણ તૈયાર કરો.(મિક્સ કર્યા બાદ બ્લેન્ડર ફેરવાથી બધું ફટાફટ અને સરસ મિક્સ થઇ જશે.)

હવે આ મિશ્રણને એક કઢાઈ માં લઈ ગેસ પર મુકવું અને સતત હલાવતા રહેવું.જ્યાં સુધી મિશ્રણ ઘટ્ટ થાય ત્યાં સુધી થવાં દેવું.થોડું મિશ્રણ લઈ એક વખત પાથરી ચેક કરી જોવું.ખાંડવી સહેલાઈથી વળતી હોય તો તેલથી ગ્રીસ કરેલી જગ્યાએ પાથરી લેવું.જો ખાંડવી ના રોલ ના વળે તો થોડીવાર હજી ગેસ પર હલાવતાં રહેવું.

આ રીતે મિશ્રણ પાથરી દેવું.હવે પાથરેલુ મિશ્રણ ઠંડુ થઈ જાય પછી કાપા પાડી દો. ઉપર હળવા હાથે લીલી ચટણી લગાવો.તેની ઉપર ખમણેલું નાળિયેર છાંટી દો.રોલ વાળી ને એક બાઉલમાં મુકતા જવું.ઉપર લાલ મરચું છાંટી દો.

હવે વઘાર તૈયાર કરી ખાંડવી ઉપર રેડી દો.કોથમીર અને ખમણેલું નાળિયેર ભભરાવી ગાર્નિશ કરી સર્વ કરો.

તૈયાર છે એકદમ સ્વાદિષ્ટ સ્ટફ્ડ ખાંડવી.