પનીર બનાવવા માટે..
અડધો લીટર દૂધ ગરમ કરો, દૂધ ઊકળે એટલે ગેસ બંધ કરી થોડું ઠરે પછી ચપટી મીઠું અને 1/2ચમચી લીંબુનો રસ પાણીમાં મિક્સ કરીને ધીરે ધીરે દૂધમાં નાખતા જાવને હલાવતા જવુ,દૂધ ફાટે પછી મલમલના કપડાથી ગાળી લેવું, ઉપર ઠંડું પાણી રેડવું જેથી પનીરની ખટાશ નીકળી જાય પછી પાણી નિતારી ઉપર વજન રાખવું. પનીર સેટ થઈ જાય પછી થોડીવાર ફ્રીજમાં રાખી દેવું. ગ્રેવીમાં નાખતી વખતે પનીર ના પીસ કરવા.

ઃગેસ ઉપર પેનમાં પાણી ગરમ કરી તેમાં ચપટી મીઠું અને લીલા વટાણા નાંખી ૫ મીનીટ હાઇ ફ્લેમ બ્લાન્ચ કરવા પછી તરત ચારણીમાં નિતારી ઉપર ઠંડુ પાણી નાખવું જેથી વટાણાનો લીલો કલર જળવાઇ રહે.
ઃ કશ્મીરી સૂકા મરચાંને દસ મિનિટ પલળવા પછી ગ્રાઇન્ડ કરી ગરણી થી ગાળી કશ્મીરી લાલ મરચા પેસ્ટ તૈયાર કરવી.
ઃ નાની કટોરીમાં હળદર, લાલ મરચું, ધાણાજીરુ, ગરમ મસાલો મિક્સ કરી થોડું પાણી નાખી ચમચીથી હલાવી મસાલા પેસ્ટ તૈયાર કરવી.
ઃ કાજુ, મગજ તરી અને ખસખસને પાણીમાં 15 મિનિટ પલાળી પછી મિક્સરમાં પીસી અને પેસ્ટ તૈયાર કરવી.

ગેસ ઉપર પેનમાં તેલ ગરમ કરી જીરૂ, લવિંગ, વરીયાળી,તજ, નાખવા ત્યારબાદ આદુ મરચાની પેસ્ટ નાંખી સાંતળવું. ટામેટાં ના પીસ કરી ને નાખવા ને સાંતળવા, તેલ ઉપર આવે ત્યાં સુધી ઢાંકીને ચઢવા દેવું. ત્યારબાદ ગેસ બંધ કરી ઠરે પછી ગ્રાઇન્ડ કરી ટામેટાં પેસ્ટ તૈયાર કરવી.

હવે ગેસ ઉપર પેનમાં બટર ગરમ કરી મસાલા પેસ્ટ નાંખી સાંતળવું, ત્યારબાદ ટામેટાં પેસ્ટ નાંખવી સાંતળવુ, ત્યારબાદ કશ્મીરી લાલ મરચાની પેસ્ટ નાંખી સાંતળવું ત્યારબાદ કાજુ પેસ્ટ નાખી સાંતળવુ. થોડું પાણી નાખી ઢાંકીને ચડવા દેવું. ત્યારબાદ મલાઈ નાંખી હલાવવું, બ્લાન્ચ કરીને રેડી કરેલ મટર નાખી મિક્સ કરી થોડું પાણી નાખી ઢાંકીને બે મિનીટ ચડવા દેવું. સર્વ કરતી વખતે પનીર પીસ નાખવા સાથે કોથમીરથી ગાર્નિશ કરો ગરમ ગરમ પરાઠા સાથે મટર પનીર સર્વ કરો.