બાસમતી ચોખાને ખૂબ જ સારી રીતે ધોવા. પછી ૩૦ મિનિટ પલાળવા. ત્યારબાદ ગેસ ઉપર પેનમાં ઘી ગરમ કરી તેમાં પલાળીને નિતારેલ ચોખા બે મિનીટ સાંતળવા પછી તેમાં મીઠું અને ગરમ પાણી નાખી ઉકળવા દો અડધા ચોખા ચડે પછી લીંબુનો રસ નાખવો અને ધીમા ગેસ પર થવા દો.પુલાવ માટે ભાત તૈયાર..

ઃ લીલા મરચાં - આદું ની પેસ્ટ બનાવવી.
ઃ બધા શાકભાજી સપ્રમાણ લઇ જીણા સુધારવા. ગેસ ઉપર તપેલીમાં પાણી ગરમ કરી મીઠું નાખવું આ ઉકળતા પાણીમાં બધા શાકભાજી નાખવા પાંચ મિનિટ હાઈ ફ્લેમ ચઢવા દેવા પછી ચારણીમાં કાઢી ઉપર ઠંડુ પાણી નાખવું.(બ્લાંચીંગથી સ્વાદ,રંગ,સુગંધ જળવાઇ રહે છે.)

હવે ગેસ ઉપર પેનમાં ઘી ગરમ કરી કાજુ તળી ને સાઈડ માં રાખવા પછી તેમાં જીરું તજ,લવિંગ, ઈલાયચી નાખી આદું-મરચાની પેસ્ટ સાંતળવી ત્યારબાદ બ્લાન્ચ કરેલી શાકભાજી નાખવા અને બે મિનિટ સાંતળવા. ત્યારબાદ રાંધીને તૈયાર કરેલ ભાત, તળેલા કાજુ, થોડો મરીનો ભૂકો, થોડું ગુલાબ જળ નાખી હલાવો. કોથમીર અને કોપરાના છીણથી ગાર્નિશ કરો. તૈયાર છે મિક્સ વેજ પુલાવ.