સૌપ્રથમ 300 ગ્રામ ચણાનો લોટ લેવો ત્યારબાદ મેથીને સમારવી, કોથમીરને સમારવી લીલુ લસણ સમારવું,આદુ-લસણની પેસ્ટ બનાવવી,મરચા ને ઝીણા સમારવા અને આદુના ટુકડા કરવા પછી એક મિક્સર જારમાં કોથમીર,સમારેલું આદુ મરચાં, એક ચમચી સીંગદાણા,1/2ચમચી મીઠું,એક ચમચી લીંબુ નો સર,એક ચમચી ખાંડ નાખી કોથમીરની લીલી ચટણી બનાવવી તેમજ લસણની પેસ્ટ લઈ તેમાં ગોળ નાખી લીંબુ નાખી મીઠું નાખી લસણની ચટણી બનાવવી આ બંને ચટણીઓ તૈયાર રાખવી

ત્યારબાદ એક લોયામાં ચણાનો લોટ નાખી તેમાં મીઠું નાખવું 1/2ચમચી હળદર નાંખવી એક ચમચી અજમો નાખો એક ચમચી મરી પાઉડર નાખવો ત્યારબાદ સમારેલી મેથી આદુ-લસણની પેસ્ટ સમારેલું લીલું લસણ સમારેલી કોથમીર સમારેલા મરચા નાખીને થોડું થોડું પાણી નાખી પુડલા માટેનું બેટર તૈયાર કરવું

પુડલા માટેના ખીરામાં ૧ ચમચી ખાંડ નાખવી જેથી મેથી ની કડવાસ દૂર થાય પછી એક પેન લઇ અથવા નોન સ્ટિક તવો લઈને તેમાં એક ટીપુ તેલ નાખી પાણી છાંટી ગરમ થયેલો તવો લૂછી નાખવો પછી તેમાં પુડલા નું ખીરું પાથરવું તેને હાથથી અથવા ચમચાથી સ્પ્રેડ કરવું થોડી વાર ચઢવા દેવું પછી સાઈડમાં તેલ નાખવું અને તેને ચડવા દેવું

પછી પુડલા ને ઉલટાવવો અને ઉપર અને આજુબાજુ તેલ નાખવું તેને ચાર થી પાંચ મિનિટ સુધી બરાબર ચડવા દેવો આમ આપણો ટેસ્ટી હેલ્ધી પુડલો તૈયાર થશે પછી તેને એક ડિશમાં કાઢી લેવો