દાબેલી ચીલા બનાવવા માટે સૌપ્રથમ એક કડાઈમાં ૩ ચમચી તેલ નાખો.તેલ ગરમ થઈ જાય ત્યારે તેમાં બટેટાનો માવો નાખો.તેમાં મીઠું, લાલ મરચું પાઉડર અને દાબેલી મસાલો નાખી પાણી નાખી મિક્સ કરો અને તેમાં ખજૂર અમલી ની ચટણી નાખી મિક્સ કરો.

મગની દાળને ૩ કલાક પલાળી રાખો.ત્યારબાદ તેને મિક્સર જારમાં લઈને ખીરું બનાવો. એક બાઉલ માં લઇ તેમાં મીઠું,આદુ મરચાની પેસ્ટ અને કોથમીર નાખી હલાવો અને તાવને ગેસ પર ગરમ કરવા મૂકો અને તેની ઉપર ખીરું રેડી અને તેને પાથરી દો.

ત્યારબાદ તેની ઉપર દાબેલી નું મિશ્રણ પાથરો અને તેની ફરતે ખજૂરની ચટણી,લસણની ચટણી, દાડમના બી,મસાલા બી,કોથમીર,નાળિયેરનું ખમણ અને સેવ ભભરાવો.બધી બાજુ થોડું તેલ થી ચીલા ને સેકી લો.તૈયાર છે ટેસ્ટી અને હેલ્ધી એવા દાબેલી ચીલા..