મેગી નૂડલ્સને ઉકળતા પાણી માં બાફી લેવા પરંતુ વધારે પડતા બફાઈ ન જાય તેનું ધ્યાન રાખવું. હવે તેને એક કાણાવાળા વાસણમાં લઈને ઠંડા પાણીથી ધોઇ લેવા અને ત્યારબાદ તેમાં ૧ ટીસ્પૂન તેલ ઉમેરીને રહેવા દેવા જેથી કરીને એકબીજા સાથે ચોંટી ના જાય.

એક પેનમાં તેલ ગરમ થાય એટલે તેમાં જીરૂં, હિંગ, કાંદા, આદુ અને લીલા મરચાં ઉમેરીને કાંદા હલકા ગુલાબી રંગના થાય ત્યાં સુધી સાંતળવું. હવે તેમાં મેગી ટેસ્ટ મેકર અને મેગી મસાલા-એ-મેજીક ઉમેરીને બરાબર હલાવી લેવું. ત્યારબાદ તેમાં લીલા ધાણા ઉમેરી હલાવી લઈને તેને ઠંડુ થવા દેવું.

એક વાસણમાં બેસન, ચોખાનો લોટ, હળદર, મીઠું અને મેગી મસાલા-એ-મેજીક ઉમેરીને બરાબર હલાવી લેવું ત્યારબાદ તેમાં પાણી ઉમેરીને જાડું ખીરું તૈયાર કરી લેવું.

મરચા ને ધોઈ, કોરા કરી તેમાં વચ્ચેથી એક કાપ મૂકવો. હવે તેમાં તૈયાર કરેલું મેગી નૂડલ્સ નું સ્ટફિંગ ભરી દેવું.

એક કડાઈમાં તળવા માટે તેલ ગરમ કરવા મૂકવું. હવે 1 ટેબલસ્પૂન ગરમ તેલ ખીરામાં ઉમેરીને બરાબર હલાવી લેવું. ત્યારબાદ મરચાને ખીરામાં બોળીને મીડીયમ થી હાઈ હિટ પર તળી લેવું. બધા ચીલી પોપર્સ ને ગોલ્ડન બ્રાઉન કલર ના તળી લેવા.

આ રીતે બધા મેગી ચીલી પોપર્સ તળીને તૈયાર કરી લેવા ત્યારબાદ તેને મેગી હોટ એન્ડ સ્વીટ સૉસ સાથે અથવા તો પસંદગી મુજબના સૉસ કે ચટણી સાથે પીરસવા. ચા કે કોફી સાથે પીરસી શકાય એવો આ એક સ્વાદિષ્ટ નાસ્તો છે.