સૌપ્રથમ એક બાઉલ મમરા લેવા પછી તેને એક લોયામાં શેકવા જેથી ક્રિસ્પી બને ત્યારબાદ એક લોયામાં એક ચમચો તેલ લઇ તેમાં હળદર અને મમરા નાખી શેકવા

મમરા ને બરાબર સાંતળીને તૈયાર કરવા ત્યારબાદ આમલીના ચાર પાંચ ટુકડા અને ખજુર બંનેને પલાળી મિક્સર જારમાં ક્રશ કરવા અને ખજૂર અને આંબલીની ચટણી તૈયાર કરવી

ત્યારબાદ સાંતળેલા મમરા એક બાઉલમાં ભરવા આમલીની ચટણી એક વાટકામાં તૈયાર રાખવી કોથમીરને સમારીને તૈયાર રાખવી 1 ડુંગળી ઝીણી સમારવી 1 ટમેટું ઝીણું સમારવું 1 લીલુ મરચું સમારવું ત્રણ-ચાર પૂરી ના ટુકડા કરવા ચણાના લોટની સેવ તૈયાર રાખવી ત્યારબાદ એક બાઉલમાં સૌપ્રથમ સાંતળેલા મમરા નાખવા સમારેલી ડુંગળી નાખવી સમારેલું લીલું મરચું નાખવું સમારેલું ટમેટું નાખવું બાફેલા ચણા નાખવા પૂરી ના ટુકડા નાખવા સેવ બુંદી નાખવા

જે બાઉલમાં ભેળ નું મિશ્રણ તૈયાર કરેલું છે તેમાં બાફેલા બટાકા ના ટુકડા નાખવા 1 ચમચી મીઠું નાખવું ૧ ચમચી ચાટ મસાલો નાખવો આમ ભેળ માટેનું મિશ્રણ એક ડીશ માં ગોઠવવું પછી તેમાં ખજૂર આમલીની ચટણી લીલી ચટણી નાખીને ભેળ માં મિક્સ કરવી થોડું કાશ્મીરી મરચું નાખવું આ બધી વસ્તુને બરાબર હલાવી ટેસ્ટી ચટાકેદાર ભેળ તૈયાર કરવી તેને એક ડીશ મા ગોઠવી કોથમીર અને સેવ નાખી ડેકોરેટ કરી ભેળ સર્વ કરવી આ ભેળ ખાવામાં ખૂબ જ સ્વાદિષ્ટ ટેસ્ટી અને વારંવાર ખાવાનું મન થાય તેવી બને છે આ ભેળ સુપાચ્ય વિટામીનથી ભરપૂર અને ટેસ્ટી લાગે છે