સૌ પ્રથમ ૧ બાઉલ મા મેંદો લઇ તેમાં તેલ, મીઠું અને લીંબુ ઉમેરી મીડીયમ લોટ તૈયાર કરો. તેને ઢાંકી ને 1/2 કલાક રેસ્ટ આપો.

ત્યાર બાદ ૧ પેન મા તેલ લઇ તેમાં જીરુ તથા હીંગ નાંખી લસણ ની ચટણી, સમારેલા મરચા, સમારેલી ડુંગળી,છીણેલુ આદુ, તથા લાલ મરચુ, મીઠું, હળદર, ધાણાજીરુ, તથા ગરમ મસાલો ઉમેરી મીકસ કરી ૫ મીનીટ સાંતળો, પછી તેમાં બાફી ને સ્મેશ કરેલા વટાણા, બટાકા ઉમેરી લીંબુ તથા સમારેલી કોથમીર નાંખી મસાલો તૈયાર કરો.

ત્યારબાદ મેંદા ના લોટ ના લૂઆ બનાવી પાટલી પર પૂરી સાઇઝ ની રોટલી વણી તેના પર તેલ તથા મેંદા નો કોરો લોટ ભભરાવી ઉપર બીજી નાની રોટલી મુકી પતલી રોટલી ની જેમ વણી તવી પર કાંચી -પાકી શેકી લો.

ત્યાર બાદ બન્ને રોટલી ને અલગ અલગ કરી પટ્ટી ના શેઇપ મા કટ કરી લો.

ત્યાર બાદ તે પટ્ટી માથી સમોસા નો શેઇપ આપી અંદર બટાકા નું રેડી કરેલુ સ્ટફીંગ ભરી સમોસા ને ગરમ તેલ મા બા્ઉન રંગ ના થાય ત્યાં સુધી તળી લો. તૈયાર છે પટ્ટી સમોસા.

સમોસા ને લીલી ચટણી, ટામેટાં નો સોસ તથા ગોળ,- ખજુર,- આંબલી ની ચટણી સાથે સવઁ કરો.