🔶️વ્હાઈટ ગ્રેવી માટે, ડુંગળીને મોટા ટુકડામાં સમારી લેવી. લસણ ફોલીને અધકચરું વાટી લેવું. દૂધનો માવો અને બીજી સામગ્રી તૈયાર રાખવી.

પાણીને એકબાજુ ગરમ કરવા મૂકી દેવું.એક કઢાઇમાં તેલ ગરમ મૂકી તેમાં શાહી જીરુ, તજ, લવિંગ, ઇલાયચી, તમાલપત્ર, ચક્રફૂલ નાખીને શેકવા. પછી કાજુ અને મગસ્તરીના બીજ નાખી શેકવા. શેકાય એટલે ડુંગળી ઉમેરી સાંતળવી. પછી લીલા મરચાં, વાટેલું લસણ અને આદું નાખી સાંતળવું.

બધું બરાબર સંતળાય અને ડુંગળી ટ્રાન્સપરન્ટ થાય એટલે તેમાં ગરમ પાણી ઉમેરવું. મીઠું સ્વાદ પ્રમાણે ઉમેરવું. 3-4 મિનિટ માટે એમ જ કુક થવા દેવું. પાણી 1/2 થઇ જાય ત્યાં સુધી થવા દેવી. તેમાં મરી પાઉડર પણ ઉમેરી દેવો. પછી ગેસ ઓફ કરી તેને 10 મિનિટ જેવું ઠંડું થવા દેવું. પછી તેમાંથી બધા ખડા મસાલા અને મરચાનાં ટુકડા કાઢી લેવા.

તૈયાર મિશ્રણને મિક્સી જારમાં લઇ તેમાં માવો અને દહીં નાખવું. અને એકદમ બારીક પીસીને પેસ્ટ તૈયાર કરવી.

આ પેસ્ટ ને સૂપની ગરણીથી ગાળી લેવી. તૈયાર થશે હલકી મીઠી, રીચ, સ્મૂધ વ્હાઈટ ગ્રેવી. જેને ફ્રીઝમાં 2 દિવસ માટે અને ફ્રીઝરમાં 1 મહિના માટે સ્ટોર કરી શકાય છે.

🔶️ખોયા કાજુ માટે, એક કઢાઇમાં 1/2 ચમચી ઘી લઇ કાજુના ફાડાને શેકી લેવા. તેમાંથી થોડાક ટુકડા ગાર્નિશ માટે અલગ કાઢી લેવા.

કાજુને અલગ કાઢી તે જ કઢાઇમાં બાકીનું ઘી અને એક તેજપત્તું મૂકી, ગરમ થાય એટલે વ્હાઇટ ગ્રેવી ઉમેરવી. 1 મિનિટ માટે કુક કરી તેમાં ફ્રેશ ક્રિમ, મરી પાઉડર, ખાંડ, છીણેલું પનીર, છીણેલો માવો ઉમેરવો.

બધું બરાબર મિક્સ થાય પછી તેમાં શેકેલા કાજુ ના ટુકડા ઉમેરી હલાવી બરાબર મિક્સ કરી લેવા.

ખોયા કાજુ ની રીચ અને સુપર યમી સબ્જી તૈયાર છે.ગરમ સબ્જીને સર્વિંગ બાઉલમાં લઇ ઉપરથી કાજુ અને સલાડ ડેકોરેશન મૂકવું. ગરમાગરમ જ સર્વ કરવી.