સૌ પ્રથન ડુંગળી,ગાજર,કેપ્સિકમ,અને ટામેટાં ને ઝીણા સમારી લો.એક બાઉલ માં રવો લઈ તેમાં મીઠું અને દહીં ઉમેરી હલાવી તેમાં જરૂર મુજબ પાણી ઉમેરી તેને ૧૦-૧૫ મિનિટ રહેવા દેવું.

સ્ટફિંગ માટે એક કડાઈ માં તેલ લઈ ગેસ ચાલુ કરવો તેલ ગરમ થાય એટલે તેમાં રાઈ ઉમેરવી તતડે એટલે તેમાં જીરું,અડદ ની દાળ અને મીઠા લીમડા ના પાન ઉમેરવા પછી ડુંગળી ઉમેટી ૧ મિનિટ સાંતળી તેમાં ગાજર,કેપ્સિકમ,ટામેટાં અને બાફેલા મકાઈ ના દાણા ઉમેરી હલાવી ૧ મિનિટ થવા દેવું.પછી હીંગ,હળદર,લાલ મરચું પાઉડર,ધાણાજીરું,સંભાર નો મસાલો અને મીઠું ઉમેરી હલાવી લેવું.

રવા વાળા મિશ્રણ માં ઈનો ઉમેરી ઉપર ૧ ચમચી પાણી નાંખી ખીરા ને હલાવી તેલ થી ગ્રીસ કરેલ ઈડલી ના સ્ટેન્ડ માં ૨ ચમચી ખીરું રેડવું વચ્ચે ૧ ચમચી સ્ટફિંગ મૂકી ઉપર ફરી ૨ ચમચી ખીરું મૂકવું અને સ્ટીમર માં ૧૦-૧૨ મિનિટ સ્ટીમ થવા દેવું.

તો તૈયાર છે સ્ટફ્ડ રવા ઈડલી સર્વ કરવી.