સૈા પ્રથમ કેરી ધોઈ અને કોરી કરી લેવી.ત્યાર બાદ તેની છાલ છોલી લઈ અને કટકા કરી લેવા.ત્યાર બાદ તેમાં મીઠું અને હળદર નાખી ને આથી લેવી.તેને એક દિવસ માટે રાખવી અને વચ્ચે ૩ થી ૪ વખત હલાવવું. તેમાં પાણી નાખવું નહીં મીઠા નું પાણી થશે.

બીજા દિવસે કેરી ને એક કોરા કપડા ઉપર કાઢી ને પંખા નીચે ૨ થી ૩ કલાક માટે સૂકવી દો.

હવે એક કડાઈમાં તેલ ગરમ કરો.તેમાં હિંગ નાખો.ત્યાર બાદ તેમાં ધાણા ના કુરિયા નાખી ને થોડી વાર સાંતળો.ગેસ ની ફ્લેમ ધીમી રાખવી.થોડી શેકાવા ની સુગંધ આવે એટલે ગેસ બંધ કરવો.

ત્યાર બાદ એક મોટું બાઉલ લો તેમાં કેરી,ગોળ,મેથી કુરિયા,રાઈ ના કુરિયા,શેકેલા ધાણા ના કુરિયા અને લાલ મરચું નાખી ને બધું મિક્સ કરવું.થોડી વાર હલાવવું.હવે તેને ઢાંકી ને બે થી ત્રણ દિવસ માટે રાખવું.રોજ દિવસ મા ત્રણ થી ચાર વાર હલાવવું.૩ થી ૪ દિવસ પછી તેમાં બધો ગોળ ઓગળી જશે અને તેમાં એક તાર ની ચાસણી બની જશે.એટલે તે બોટલ મા ભરવા માટે તૈયાર છે.તેને એક કાચ ની બોટલ મા ભરવું.