ગુંદા ને ચોખા પાણીથી ધોઈ નાખવા. એક તપેલીમાં ગરમ પાણી કરવા મૂકો. તેમાં મીઠું ઉમેરો. ગરમ થાય એટલે ગુંદા ઉમેરો. પાંચથી દસ મિનિટ ગુંદા ઊકળે એટલે ગેસ બંધ કરો.

પાણીમાંથી નિતારીને ગુંદા ને ઠંડા પાડો. દરેક ગુંદાના બે ફાડીયા કરી એના ઠળિયા કાઢી નાખો.

કાચી કેરીને ખમણી તેને મીઠું હળદર લગાડી થોડી વાર રાખી મૂકો. થોડીવાર રહી કેરીના ખમણ ને બે હાથમાં દબાવી પાણી કાઢી ચોખા કપડા પર છુટુ પાથરી દેવું.

કેરી નું ખમણ થોડું કોરું થાય એટલે તેમાં અથાણાનો મસાલો મિક્સ કરો. હવે તેમાં ગુંદા મિક્સ કરો

કાચની ધોઈને કોરી કરેલી બરણીમાં મિક્સ કરેલા ગુંદા તથા અથાણાનો મસાલો ભરો. તેમાં પહેલેથી ગરમ કરીને ઠંડું પાડેલું તેલ ઉમેરો. બરણીમાં જેટલું અથાણું હોય તેનાથી એકથી બે આંગળ ઉપર રે એટલું તેલ ભરવાનું.

બે થી ત્રણ દિવસ રહી ને અથાણું ખાવાના ઉપયોગમાં લઇ શકાય છે. આ અથાણાંને વધુ વખત સાચવવા માટે ફ્રિઝમાં રાખો.