સૌપ્રથમ ચણાની ધોઈ તેમાં ચોખ્ખું પાણી ઉમેરી 7 થી 8 કલાક માટે પલાળી દેવા. ચણા પલડી જાય એટલે તેને બે થી ત્રણ વાર પાણીથી ધોઈ લેવા.

ખડા મસાલા ને એક પેનમાં શેકી લેવા. પછી તે ઠંડા થાય એટલે મિક્સરમાં વાટી લેવા. પછી તેમાં લાલ મરચું પાઉડર ધાણાજીરું પાઉડર હળદર આમચૂર પાઉડર અને કસુરી મેથી નાખી પાછું મિક્સરમાં વાટી લેવું. આ મસાલો એક વાટકામાં લઈ તેમાં ગરમ પાણી ઉમેરી પેસ્ટ બનાવી લેવી.

૨ કપ પાણી લઈ ગરમ કરવા મૂકો પછી તેમાં ચા ની ભૂકી ઉમેરી પાણીને ઉકાળી લેવું.

કુકરમાં ચણા નાખી તેમાં ચણા ડૂબે એટલું પાણી લેવું. પછી તેમાં 1 ટી સ્પૂન મીઠું અને1/2 ટી સ્પૂન બેકિંગ સોડા ઉમેરી મિક્સ કરી લેવું. પછી તેમાં ચા વાળું પાણી ઉમેરી કુકર બંધ કરી 5 થી 6 સીટી વગાડી લેવી.

ચણા બફાઈ જાય એટલે તેને એક કડાઈમાં લઈ ગરમ કરવા મૂકો. પછી તેમાં મસાલાવાળી પેસ્ટ,આદુ ની કતરણ અને મરચાંની ચીરીઓ ઉમેરી મિક્સ કરી ઉકળવા મૂકો. તેમાં એક ગ્લાસ પાણી ઉમેરી અને મીઠું ઉમેરી તેની 15 થી 20 મિનિટ માટે ધીમા તાપે ગેસ પર ઉકાળો. ગ્રેવી ઘટ્ટ થઈ જાય એટલે તેમાં કોથમીર ઉમેરી ગેસ બંધ કરી દેવો હવે તેને સર્વિંગ બાઉલમાં લઈ સર્વ કરો.