સૌપ્રથમ ગાર્લિક હર્બ રાઇસ બનાવવા માટે: એક કડાઈમાં ઘી - તેલ ગરમ મૂકી તેમાં સમારેલું લસણ અને સમારેલા લીલા મરચાં ઉમેરીને તેને સાતળવાના છે.

ત્યારબાદ તેમાં મિક્સ હર્બ્સ અને રેડ ચીલી ફ્લેક્સ ઉમેરવાના છે.

ફૂક કરીને તૈયાર કરેલા બાસમતી રાઈસ ઉમેરવાના છે. તેમાં મરીનો ભૂકો અને સમારેલી કોથમીર ઉમેરવાની છે.

ત્યારબાદ તેમાં સ્વાદ અનુસાર મીઠું અને લીંબુનો રસ ઉમેરી બધું બરાબર રીતે મિક્સ કરી એક મિનિટ માટે ફૂક થવા દેવાનું છે. જેથી આપણા ગાર્લિક હર્બ રાઇસ તૈયાર થઈ જશે.

વેજીસ ઇન રેડ સોસ બનાવવા માટે:
એક કડાઈમાં તેલ ગરમ મૂકી તેમાં સમારેલી ડુંગળી અને સમારેલું લસણ ઉમેરવાનું છે.

બરાબર રીતે સતવાઈ જાય એટલે તેમાં સમારેલા લીલા મરચા અને કોથમીરના કુણા ડાળખા ઉમેરવાના છે.

ત્યારબાદ તેમાં મરી પાવડર, ટોમેટો કેચઅપ, રેડ ચીલી ફ્લેક્સ, ઓરેગાનો, સ્વાદાનુસાર મીઠું અને ટમેટાની પ્યુરી ઉમેરી બધું બરાબર રીતે મિક્સ કરી બે મિનિટ માટે ફૂક થવા દેવાનું છે.

હવે તેમાં સમારીને તૈયાર કરેલા વેજીસ ઉમેરી તેને પણ બરાબર રીતે મિક્સ કરી ફરી ત્રણ થી ચાર મિનિટ માટે ફૂક થવા દેવાના છે.

જેથી આપણું વેજીસ ઇન રેડ સોસ તૈયાર થઈ જશે.